ধেমাজি, 20 নৱেম্বৰ : ধেমাজিত জিলা সদৰ আৰক্ষী (Dhemaji Sadar Police)য়ে ড্ৰাগছৰ লগতে নিচা জাতীয় সামগ্ৰীৰ বিৰুদ্ধে নিয়মীয়া তালাচী অভিযান চলাই থকাৰ সময়তে মঙলবাৰে বটুৱা গাঁৱৰ দুই ড্ৰাগছ সৰবৰাহকাৰীক আটক কৰে ৷ লগতে দুই ড্ৰাগছ সৰবৰাহকাৰীৰ পৰা 4 গ্ৰাম হিৰ'ইন সহ নগদ 2 লাখ 83 হাজাৰ টকা জব্দ কৰে ৷
ধৃত এই দুই সৰবৰাহকাৰীয়ে ধেমাজি তিনিআলি দিশে এখন AS-01MC-0582 নম্বৰৰ বাহনেৰে আহি আছিল ৷ সেই সময়তে বাহনখনত তালাচী চলাই ধেমাজি আৰক্ষীয়ে দুই সৰবৰাহকাৰীক আটক (Drug Peddler Arrested) কৰাৰ লগতে জব্দ কৰে হিৰ'ইনখিনি ৷ আটকাধীন দুই সৰবৰাহকাৰীৰ নাম শৈলেন ঙাটে আৰু প্ৰমোদ নৰহ ৷ ধৃত সৰবৰাহকাৰী দুটাক জেৰা অব্যাহত ৰাখিছে ধেমাজি আৰক্ষীয়ে ৷
লগতে পঢ়ক: Tense Situation at Nowboicha Police Outpost: মৃতদেহ উদ্ধাৰক লৈ আৰক্ষীৰ চকীত উত্তপ্ত পৰিস্থিতি
ইফালে, এক গোপন সূত্ৰৰ পমখেদি জোনাই আৰক্ষীয়ে লেকু জেলেম গাঁৱতো এক ড্ৰাগছ বিৰোধী এক অভিযান (Anti-Drug Mission)চলায় ৷ এগৰাকী ড্ৰাগছ সৰবৰাহকাৰীৰ ঘৰত অভিযান চলাই 7.96 গ্ৰাম হিৰ'ইন জব্দ কৰে জোনাই আৰক্ষীয়ে ৷
উল্লেখ্য যে, আৰক্ষীৰ অভিযানৰ উমান পাই ধৃত ড্ৰাগছ সৰবৰাহকাৰীটো পলায়ন কৰিবলৈ সক্ষম হয় বুলি জানিব পৰা গৈছে ৷ ড্ৰাগছ সৰবৰাহকাৰীটোক কৰায়ত্ব কৰিবলৈ চেষ্টা কৰি গুলী চলাই যদিও কৰায়ত্ব কৰিবলৈ সক্ষম নহয় জোনাই আৰক্ষী ৷
লগতে পঢ়ক: Mob Lynching in Jorhat: অনিমেষৰ ন্যায়ৰ দাবীত মুখত ক'লা কাপোৰ বান্ধি কটনীয়ানৰ প্ৰতিবাদ
