জোনাই,17 অক্টোবৰ: আজি দিনজোৰা কাৰ্যসূচীৰে মিচিং বসতি প্ৰধান অঞ্চলসমূহত উদযাপন কৰা হয় অসমৰ দ্বিতীয় বৃহৎ জনগোষ্ঠী মিচিং সমাজৰ অগ্ৰণী জাতীয় সংগঠন‘‘ টাকাম মিচিং পৰিণ কৗবাং’’ চমুকৈ ‘‘টি এম পি কে’’ৰ 48 সংখ্যক প্ৰতিষ্ঠা দিৱস ৷
এই প্ৰতিষ্ঠা দিৱস উপলক্ষে জোনাই আঞ্চলিক সমিতিৰ উদ্যোগতো জোনাই সদৰত অৱস্থিত মুৰ্কংচেলেক মিচিং কৃষ্টি ভৱন প্ৰাংগণত উলহ মালহেৰে পালন কৰা হয় এই দিৱস ৷ লগতে মিচিং ছাত্ৰ ছাত্ৰীৰ মাজত অনুষ্ঠিত কৰা হয় কাংকিন কৗবাং অৰ্থাৎ চিনাকি সভা ৷ টি এম পি কেৰ পতাকা উত্তোলন,শ্বহীদ তৰ্পনৰ লগতে অনুষ্ঠিত কৰা হয় বিভিন্ন প্ৰতিযোগিতা ৷ এই মুকলি সভাত মুখ্য অতিথি হিচাপে উপস্থিত থাকে জোনাই সমষ্টিৰ বিধায়ক ভুৱন পেগু ৷ অতিথিৰূপে উপস্থিত থাকে অৰুণাচল প্ৰদেশৰ কেইবাগৰাকীও ছাত্ৰ সংগঠনৰ নেতা |
উল্লেখ্য যে, টি এম পি কেৰ প্ৰতিষ্ঠা দিৱস উপলক্ষে কেমি জেলম টি এম পি কে আঞ্চলিক সমিতিৰ উদ্যোগত অনুষ্ঠিত কৰা হয় সাঁতুৰ প্ৰতিযোগিতা |
