ধেমাজিত একে নিশাই তিনিখন দোকানত চুৰি

ধেমাজি সদৰ আাক্ষী থানাৰ পৰা মাত্ৰ 1 কিলোমিটাৰ নিলগৰ কলেজ তিনিআলিত মঙলবাৰে একে নিশাই 3 খনকৈ দোকানত চোৰে অভিযান চলাই ৷ চিচি কেমেৰা সংযোগ বিছিন্ন কৰি চোৰে চুৰিকাৰ্য সংঘটিত কৰে তিনিখন দোকানত

ধেমাজি,৪ ডিচেম্বৰঃ ধেমাজিত চোৰৰ সন্ত্ৰাস | ধেমাজি সদৰ আাৰক্ষী থানাৰ পৰা মাত্ৰ 1 কিলোমিটাৰ নিলগৰ কলেজ তিনিআলিত মঙলবাৰে একে নিশাই 3 খনকৈ দোকানত চোৰে অভিযান চলাই ৷ চিচি টিভি কেমেৰাৰ সংযোগ বিছিন্ন কৰি চোৰে চুৰিকাৰ্য সংঘটিত কৰে তিনিখন দোকানত ৷ দোকান কেইখনৰ পৰা নগদ ধনৰ ওপৰিও কেমেৰাৰ হাৰ্ড ডিক্সও লৈ যায় চোৰে ৷

ধেমাজিৰ কলেজ তিনিআলিৰ মা ভৱানী ষ্টোৰ,মা পদ্মেশ্বৰী হাৰ্ড’ৱেৰ আৰু গোঁহাই অন লাইন জ’ন নামৰ দোকানকেইখনত সংঘটিত কৰে চুৰি কাৰ্য ৷ ইপিনে নগৰৰ মাজতে আৰক্ষীয়ে গিজগিজাই থকা সত্বেও চুৰি কাৰ্য সংঘটিত হোৱা কাণ্ডক লৈ ভুক্তভোগীৰ লগতে ৰাইজৰ মাজত তীব্ৰ প্ৰতিক্ৰিয়া সৃষ্টি হৈছে ৷

আৰু পঢ়কঃ গড়চুকত ড্ৰাগছসহ গ্ৰেপ্তাৰ দুই সৰবৰাহকাৰী