জোনাই, 13 মাৰ্চ: যুদ্ধ বিধবস্ত ইউক্ৰেনত আৱদ্ধ হৈ থকা আন এজন অসমীয়া শিক্ষাৰ্থী সুকলমে মাতৃভূমিত উপস্থিত হৈছেহি ৷ জোনাইৰ কমলপুৰৰ নিবাসী চহিদুল আলিৰ পুত্ৰ আব্দুৰ ৰছিদ(Jonai youth studying in Ukraine) ইউক্ৰেইনৰ চুমিত মেডিকেল বিজ্ঞান বিভাগৰ পঞ্চম ষান্মাসিকত অধ্যয়ণৰত হৈ আছিল৷ যুদ্ধভূমিত আৱদ্ধ হৈ থকা জোনাইৰ ছাত্ৰজন সুকলমে আহি উপস্থিত হয় নিজ ঘৰত ৷
‘অপাৰেশ্যন গংগা’(Operation Ganga by Indian government)ৰ অধীনত দেশৰ বৈদেশিক পৰিক্ৰমা মন্ত্ৰণালয়ে ভাতৰ ছাত্ৰকেইজনক ইউক্ৰেনৰ পৰা উদ্ধাৰ কৰি ভাৰতলৈ উভতাই লৈ অনাত ভাৰত চৰকাৰক ধন্যবাদ জ্ঞাপন কৰিছে ছাত্ৰজনে ৷ ছাত্ৰকেইজন মুম্বাই আৰু নতুন দিল্লীত উপস্থিত হোৱাৰ পিছতে তেওঁলোকক অসম ভৱনৰ বিষয়াই নিজৰ দায়িত্বত লয় ৷
যুদ্ধৰ ক’লীয়া ধোঁৱাই আৱৰি ধৰা ইউক্ৰেনৰ পৰা কুশলে উভতি আহি জোনাইত উপস্থিত হোৱা শিক্ষাৰ্থী আব্দুৰ ৰছিদে বৰ্ণনা কৰিলে ইউক্ৰেনত বিৰাজ কৰা ভয়ংকৰ পৰিস্থিতিৰ বিষয়ে৷ নিজ ঘৰত উপস্থিত হৈ যথেষ্ট শান্তি অনুভৱ কৰা বুলি জানিবলৈ দিয়ে ছাত্ৰজনে ৷
লগতে পঢ়ক: খেলি থাকোতেই গ্ৰেণেড ফুটি আহত শিশু
