জোনাই,19 নৱেম্বৰ: বৃহস্পতিবাৰে জোনাইৰ মুৰ্কংচেলেক ৰে’ল ষ্টেচনত উদ্ধাৰ হয় এজন যুৱকৰ মৃতদেহ ৷ যাত্ৰীবাহী ৰে’ল লাচিত এক্সপ্ৰেছৰ ডবাৰ ভিতৰত উদ্ধাৰ হয় যুৱকজনৰ মৃতদেহটো ৷ উদ্ধাৰ হোৱা যুৱকজন 3 নং মুর্কংচেলেক গাঁৱৰ নিবাসী তনুৰাম পাটৰৰ পুত্র গোবিন্দ পাটৰ বুলি জানিব পৰা গৈছে ৷
প্ৰাপ্ত তথ্য অনুসৰি,গুৱাহাটী মহানগৰীৰ কামাখ্যাৰ পৰা মুর্কংচেলেকলৈ অহা যাত্ৰীবাহী ৰে’ল লাচিত এক্সপ্ৰেছৰ জেনেৰেল ডবাত পুৱা প্ৰায় ৭.১০ বজাত উদ্ধাৰ হয় মৃতদেহটো ৷ মৃত গোবিন্দই গুৱাহাটী মহানগৰীৰ কামাখ্যা ষ্টেচনৰ পৰা লাচিত এক্সপ্ৰেছত জোনাইলৈ আহি থকা অৱস্থাতে মৃত্যু হোৱা বুলি একাংশই প্ৰকাশ কৰে ৷ বৰ্তমানেও যুৱকজনৰ মৃত্যুৰ কাৰণ জানিব পৰা হোৱা নাই যদিও আৰক্ষীয়ে ঘটনাস্থলীত উপস্থিত হৈ আৰম্ভ কৰিছে তদন্ত ৷
অন্য এক খবৰৰ বাবে: অসম মটৰ ৱৰ্কাৰ্ছ ইউনিয়নৰ তীব্ৰ প্ৰতিবাদ
