জোনাই, ৮ ফেব্ৰুৱাৰীঃ জোনাইৰ অসম-অৰুণাচল সীমান্তৰ ১৫ নং ৰাষ্ট্ৰীয় ঘাইপথত শোকাৱহ দুৰ্ঘটনা ৷ পুৱতি নিশা সংঘটিত হোৱা এই দুৰ্ঘটনাটোত এজন যুৱক থিতাতে নিহত হোৱাৰ বিপৰীতে সংকটজনক অৱস্থাত আন এগৰাকী যুৱকক প্ৰেৰণ কৰা হয় চিকিৎসালয়লৈ।
জোনাইত শোকাৱহ পথ দুৰ্ঘটনাত থিতাতে প্ৰাণ গ’ল এজনৰ
পুৱতি নিশা প্ৰায় ২ বজাত জোনাই সদৰ পৰা পুৰণি জেলেম গাঁও অভিমুখী এ আৰ ০১-৬৭৬৩ নম্বৰৰ এখন পালচাৰ বাইকেৰে দুজন যুৱক গৈ থকা অৱস্থাত ৰুকচিন সীমান্তৰ ১৫ নং ৰাষ্ট্ৰীয় ঘাইপথৰ এখন দলঙৰ ওপৰৰ পৰা নিয়ন্ত্ৰণ হেৰুৱাই বাইকসহ তললৈ সৰি পৰে ৷ এই দুৰ্ঘটনাত গৌতম পেগু নামৰ এজন যুৱক থিতাতে নিহত হোৱাৰ বিপৰীতে বাইকখনৰ আনজন আৰোহী ডিচি দলে নামৰ যুৱকজনক সংকটজনক অৱস্থাত পুৱা ৰাইজে উদ্ধাৰ কৰি চিকিৎসালয়লৈ প্ৰেৰণ কৰে ৷
