জোনাই,17 জুন: কৰ’ণাৰ আতংকৰ মাজতে তাণ্ডৱ সৃষ্টি বানৰ ৷ বছৰৰ প্ৰথমটো বানত জলমগ্ন হৈছে জোনাই ৰাজহ চক্ৰৰ অন্তৰ্গত বাহিৰ জোনাইৰ বেৰা চাপৰিৰ অন্তৰ্গত কেইবাখনো গাঁও ৷ অঞ্চলটোত চিয়াং নদীৰ পানী ফেনে-ফুটুকাৰে বঢ়ি অহাৰ ফলত স্বাভাৱিকতে ভীতিগ্ৰস্ত হৈছে স্থানীয় বাসিন্দাসকল ৷ বিগত দুদিন ধৰি নেৰানেপেৰাকৈ দিয়া বৰষুণৰ ফলত চিয়াং নদীৰ বাঢ়নী পানীয়ে বুৰাই পেলাইছে বেৰা চাপৰিৰ কেইবাখনো গাঁৱৰ মাটি-ভেটিৰ লগতে শ শ বিঘা কৃষিভূমি ৷
অব্যাহত বানৰ তাণ্ডৱ
উল্লেখ্য যে, চিয়াং নদীৰ বানৰ ফলত সৃষ্টি হোৱা খহনীয়া প্ৰতিৰোধৰ বাবে বেৰা চাপৰিৰ নিৰ্মীয়মান ৫০ লাখটকীয়া মথাউৰিটো বাঢ়নী পানীয়ে কেইবাঠাইতো বিছিন্ন কৰে ৷ যাৰ ফলত পশুধন সহিতে সম্প্ৰতি পথৰ সমীপত স্থাপন কৰা আশ্ৰয় শিবিৰৰ আলহী হৈছে অঞ্চলবাসী ৷
লগতে চাওকঃ ধুবুৰীত বৃহৎ পৰিমাণৰ ড্ৰাগছসহ আটক এজন
