ধেমাজি,১৯ মাৰ্চ: নিৰ্বাচনৰ প্ৰাকক্ষণত ৰাজ্যৰ চাৰিওফালে সষ্টম হৈছে আবকাৰী বিভাগ । বিভিন্ন স্থানত ইতিমধ্যে অবৈধ সুৰাৰ বিৰুদ্ধে বিভাগটোৱে অভিযান চলোৱা দেখা গৈছে । ধেমাজি জিলাৰ আবকাৰী বিভাগেও আৰক্ষীৰ সহযোগত জিলাখনৰ বিভিন্ন প্ৰান্তত অব্যাহত ৰাখিছে সুৰা বিৰোধী অভিযান ।
জানিব পৰা মতে ভোট কেন্দ্ৰসমূহৰ সমীপৰ অঞ্চলবোৰত এই অভিযান তীব্ৰতৰ কৰি তোলা হৈছে । যোৱা দুদিনত জিলাখনৰ বৰদলনি, নগাওঁ, জয়ৰামপুৰ, কামচা কমা’, নলবাৰী সাপ্তাহিক বজাৰ, বৰলা চাৰিআলি, মহৰি কেম্প, গোগামুখ দৈনিক বজাৰ আদিত অভিযান চলাই বৃহৎ পৰিমাণৰ সুৰা জব্দ কৰিবলৈ সক্ষম হয় আবকাৰী বিভাগ ।
দেশীয় সুৰাৰ লগতে বহু বিলাতী সুৰা জব্দ কৰে আবকাৰী বিভাগে । লগতে কিছুমান সুৰা প্ৰস্তুতকাৰী সামগ্ৰীও উদ্ধাৰ কৰা হয় ।
লগতে পঢ়ক:ধিঙত শতাধিক এআইইউডিএফৰ কৰ্মীয়ে যোগ দিলে ৰাইজৰ দলত
