ধেমাজি, ৩০ মে': ক'ভিড পৰিস্থিতিৰ মাজতে ধেমাজিৰ মনালিছা আৰ্ট একাডেমী নামৰ অগ্ৰণী স্বেচ্ছাসেৱী অনুষ্ঠানৰ এক আদৰণীয় পদক্ষেপ । স্বেচ্ছাসেৱী অনুষ্ঠানটোৱে জিলাখনৰ বিভিন্ন স্থানত মাস্ক, চেনিটাইজাৰ,বিস্কুট,চাবোন আদি সামগ্ৰী ৰাইজৰ মাজত বিতৰণ কৰে ।
অনুষ্ঠানটোৰ সচিব প্ৰণৱ দিহিঙীয়াই জনোৱা মতে বিগত বছৰতো লকডাউনৰ সময়ত গ্ৰামাঞ্চলৰ লোকৰ মাজত কৰ'ণাকলৈ সজাগতা সৃষ্টি কৰাৰ লগতে এই ধৰণে বিভিন্ন সামগ্ৰী বিতৰণ কৰিছিল ।
এইবাৰো আংশিক লকডাউনৰ সময়চোৱাত অনুষ্ঠানটোৱে ধেমাজিৰ আনু নগৰ, জামুগুৰিৰ বিষ্ণুপুৰ, টেকজুৰি, শান্তিপুৰ আদি অঞ্চলত কৰ'ণাৰ সম্পৰ্কত সজাগতা সৃষ্টি কৰাৰ উপৰিও বিভিন্ন ধৰণৰ সামগ্ৰী বিতৰণ কৰে ৷
লগতে পঢ়ক:১৫ আগষ্টৰ ভিতৰত অসমত ৩০ শতাংশ লোকৰ টীকাকৰণ হ'ব: মুখ্যমন্ত্রী
