জোনাই,২২ এপ্ৰিল: সমগ্ৰ ৰাজ্যৰ লগতে ব’হাগৰ পহিলা বুধবাৰৰ পৰা জোনাইতো দেউৰীসকলে উখল-মাখল পৰিৱেশৰ মাজেৰে পালন কৰিছে উৰুকা বিহু । জোনাইৰ ৰুহিতপুৰ দেউৰী মন্দিৰত বুধবাৰে অঞ্চলটোৰ দেউৰী জনগোষ্ঠীয় লোকসকলে পৰম্পৰা অনুসৰি গিৰি-গিৰাচি (বুঢ়া-বুঢ়ী)ক পূজা কৰি আৰম্ভ কৰে দেউৰী উৰুকা বিহু ।
ৰুহিতপুৰ, লুহিজান দেউৰী অঞ্চলৰ দেউৰীসকলে ৰাইজৰ আৰু পৰিয়ালৰ সুখ-শান্তি, মংগল কামনা কৰি গিৰি-গিৰাচি (বুঢ়া-বুঢ়ী) ৰ নামত বলি দি উচৰ্গা কৰে কুৰিৰো অধিক ছাগলী, পাৰ আদি । ইফালে ৰাজ্যৰ অন্যান্য প্ৰান্তৰ লগতে জোনাইৰ দেউৰী বসতি প্ৰধান অঞ্চলসমূহত আৰম্ভ হয় দেউৰীসকলৰ বিহু ।
লগতে পঢ়ক: ক’ভিড কেয়াৰ কেন্দ্ৰৰ খিৰিকী ভাঙি 31 জন ক’ভিড আক্ৰান্তৰ পলায়ন
