ধেমাজি, ৮ মাৰ্চ: অসম বিধান সভাৰ প্ৰথম পৰ্যায়ৰ নিৰ্বাচনলৈ মাজত মাত্ৰ কেইটামান দিন বাকী । ৰাজনৈতিক দলসমূহৰ প্ৰায় কেইটা দলেই ইতিমধ্যে প্ৰাৰ্থী তালিকা ঘোষণা কৰিছে । লগে লগে প্ৰতিটো সমষ্টিত আৰম্ভ হৈছে তৃণমূল কৰ্মীসকলৰ ব্যস্ততা । ১১৩ নং ধেমাজি বিধান সভা সমষ্টিত কংগ্ৰেছে প্ৰাৰ্থীত্ব প্ৰদান কৰে শৈলেন সোণোৱালক ।
দলৰ প্ৰাৰ্থীত্ব গ্ৰহণ কৰি সোমবাৰে সমষ্টিটোত প্ৰৱেশ কৰাৰ লগে লগে শতাধিক দলীয় কৰ্মীয়ে উষ্ম আদৰণি জনায় শৈলেন সোণোৱালক ৷ দলীয় কৰ্মীয়ে এক দীঘলীয়া ৰেলীৰে শৈলেন সোণোৱালক সমষ্টিটোৰ দুৱাৰমুখ স্বৰূপ গােগামুখৰ পৰা ধেমাজি সদৰলৈ আদৰি আনে । তাৰ পাচত জিলা কংগ্ৰেছ কাৰ্যালয় ইন্দিৰা ভৱনত ফিটা কাটি প্ৰৱেশ কৰে প্ৰাৰ্থীগৰাকীয়ে ৷ ইপিনে, সংবাদ মাধ্যমৰ আগত বিভিন্ন সমস্যাৰে জৰ্জৰিত ধেমাজিবাসীৰ উন্নয়নৰ দিশত প্ৰাৰ্থীগৰাকীয়ে মনোনিৱেশ কৰিব বুলি মন্তব্য কৰে ৷
লগতে পঢ়ক:নাৰায়ণপুৰত আন্তৰ্জাতিক নাৰী দিৱস উদযাপন
