ধেমাজি, 29 ফ্ৰেব্ৰুৱাৰী : ধেমাজি জিলা বিজেপিৰ গ্ৰাম্য মণ্ডলৰ কাৰ্যনিৰ্বাহক সভাৰ সমীপত ক'লা পতাকা দেখুওৱা যুৱ ছাত্ৰ পৰিষদৰ সদস্য আৰু স্থানীয় মহিলাক বিজেপি কৰ্মীয়ে প্ৰহাৰ কৰাৰ অভিযোগ উত্থাপন হৈছে ৷ ধেমাজিৰ বিধায়ক ড৹ ৰনোজ পেগুৰ উপস্থিতিত আৰু আৰক্ষীৰ উপস্থিততে অসম জাতীয়তাবাদী যুৱ ছাত্ৰ পৰিষদৰ কৰ্মীক প্ৰহাৰ ৷
ধেমাজিৰ পাঁচআলিত বিজেপিৰ গ্ৰাম্য মণ্ডলৰ কাৰ্যনিৰ্বাহক সভালৈ বিধায়ক ৰনোজ পেগুৰ আগমণক লৈ ক'লা পতাকা প্ৰদৰ্শন কৰিছিল অসম জাতীয়তাবাদী যুৱ ছাত্ৰ পৰিষদৰ সদস্যই ৷
গণতান্ত্ৰিকভাৱে কা বিৰোধিতা কৰি প্ৰতিবাদ সাব্যস্ত কৰা যুৱ ছাত্ৰৰ কমীক প্ৰহাৰ কৰা কাৰ্যক লৈ ক্ষুদ্ধ হৈ পৰিছে অসম জাতীয়তাবাদী যুৱ ছাত্ৰ পৰিষদ ৷ অসম জাতীয়তাবাদী যুৱ ছাত্ৰ পৰিষদৰ ধেমাজি জিলা সমিতিয়ে এই ঘটনাক তীব্ৰ গৰিহণা দিয়ে ৷ লগতে 24 ঘন্টাৰ ভিতৰত দোষীক কৰায়ত্ব কৰা লগতে বিধায়কগৰাকীৰো স্থিতি স্পষ্ট কৰিবলৈ দাবী জনাইছে ৷ অন্যথা যিকোনো পৰিস্থিতিৰ উদ্ভৱ হ’লে তাৰ বাবে জিলা প্ৰশাসন জগৰীয়া হ’ব বুলি সকীয়াই দিয়ে সংগঠনটোৱে ৷