ধেমাজি ,3মেঃ ৰাজহুৱা বিতৰণ ব্যৱস্থাত বহু সময়ত চৰকাৰী সূলভ মূল্যৰ সামগ্ৰীৰ ওপৰত প্ৰায়ে অনিয়ম হোৱাৰ অভিযোগ উত্থাপন হৈ অহাৰ সময়তে ধেমাজিৰ জীয়াঢল সমবায় সমিতি আৰু কাংকান সমবায় সমিতিয়ে দৰিদ্ৰ হিতাধিকাৰীলৈ আৱন্টন হোৱা চৰকাৰী মূল্যৰ চাউল নিৰ্ধাৰিত মূল্যতকৈ অধিক মূল্যত বিক্ৰী কৰাৰ অভিযোগ উত্থাপন হৈছে৷
আৰু পঢ়ক ৩১ নং ৰাষ্ট্ৰীয় ঘাইপথত জব্দ লক্ষাধিক টকাৰ চোৰাং কাঠ
সেয়ে অৰ্থনৈতিক অপৰাধ অনুসন্ধান শাখাই দুয়োখন সমিতিৰ ওপৰতে 2/19 নম্বৰত এক ৰাজহুৱা স্বাৰ্থ জনিত গোচৰ ৰুজু কৰে৷ এই গোচৰৰ ভিত্তিতেই শুকুৰবাৰে জীয়াঢল সমবায় সমিতিৰ চেয়াৰমেন বিদ্যাধৰ দলেক অপৰাধ অনুসন্ধান শাখাই আটক কৰে৷ আনহাতে একেটা গোচৰতে অভিযুক্ত কাংকান সমবায় সমিতিৰ সচিব অনিল দলে এই বিষয়ে উমান পায় ইতিমধ্যে পলায়ন কৰে৷
উল্লেখ্য যে অপৰাধ অনুসন্ধান শাখাই দিয়া ইংগিত অনুসৰি জিলাখনৰ খাদ্য আৰু অসামৰিক যোগান বিভাগৰ কেইবাগৰাকী বিষয়া কৰ্মচাৰীকো শীঘ্ৰে তদন্তৰ আওঁতালৈ অনাৰ সম্ভাৱনা আছে৷
