ধেমাজিত কৃষকৰ ক্ষোভঃ গ্ৰাম সেৱক নাযায় খেতি পথাৰলৈ

পথাৰত ভৰি দি নোপোৱা ধেমাজি কৃষি বিভাগৰ গ্ৰামসেৱকৰ বিৰুদ্ধে ক্ষোভ বানাক্ৰান্ত অঞ্চলৰ কৃষকৰ ৷ চাকৰিৰ নামত ঘৰকে বহি দৰমহা খাইছে কৃষকৰ সহায়ৰ বাবে নিয়োগ কৰা গ্ৰাম সেৱকে ৷ কৃষক সকলৰ সহায়ৰ বাবে নিয়োগ কৰা জিলাখনৰ গৰিষ্ঠসংখ্যক গ্ৰাম সেৱকেই নাযায় ৰাইজৰ কাষলৈ ৷ বহু লোকে নাজানেই তেওঁলোকৰ এলেকাত থকা গ্ৰাম সেৱকৰ নাম ৷

ধেমাজি, 25 নৱেম্বৰঃ বান পানী আৰু বতৰৰ সলনি হোৱাৰ পৰিপ্ৰেক্ষিতত ধেমাজিৰ গ্ৰামাঞ্চলৰ চহা কৃষকে মূৰে কপালে হাত দিবলগীয়া অৱস্থাৰ সৃষ্টি হৈছে ৷ বিশেষকৈ ধেমাজিৰ মৰিধল,বালিগাঁও আৰু পেৰাভাৰী গাঁৱৰ দৰিদ্ৰ কৃষকে দীৰ্ঘদিন ধৰি চৰকাৰী সাহাৰ্য অবিহনেই ৰবি শস্যৰ খেতি কৰি আহিছে ৷

অঞ্চলটোৰ চহা খেতিয়ক সকলে গাঠিৰ ধন খৰচ কৰি শালি খেতিৰ পৰিৱৰ্তে ৰবি শস্য পলমকৈ আৰম্ভ কৰিছে যদিও পানী আৰু সাৰৰ কাৰণে হাহাকাৰ কৰিবলগীয়া হৈছে ৷ তেওঁলোকে জানিবলৈ দিয়া বিগত কেইবাছৰ ধৰি অঞ্চলটোৰ কৃষকৰ পথাৰত ভৰি দি পোৱা নাই ধেমাজি কৃষি বিভাগৰ গ্ৰামসেৱকসকলে ৷ মন কৰিবলগীয়া যে এটা দিন পথাৰ দিৱস পালন কৰি বা:বা লোৱা ৰাজ্য বিয়াগোম কৃষি বিভাগৰ পৰা এতিয়াও বঞ্চিত হৈ আছে ধেমাজি বানাক্ৰান্ত অঞ্চলৰ কৃষক ৷ কৃষি বিভাগৰ চৰকাৰী অভিলাষী আচনিয়ে ঢুকি পোৱা নাই চহা কৃষকসকলক ৷

লগতে চাওকঃ প্ৰাক্তন মুখ্যমন্ত্ৰী তৰুণ গগৈলৈ শ্ৰদ্ধা জনাই অৰ্ধনমিত কৰা হ’ল গান্ধী মণ্ডপৰ ৰাষ্ট্ৰীয় পতাকা