জোনাই, ১৫ আগষ্টঃ কৰ’ণা ভাইৰাছৰ সংক্ৰমণৰ মাজতো দেশে পালন কৰিলে ৭৪ সংখ্যক স্বাধীনতা দিৱস ৷ ৰাজ্যৰ অন্য প্ৰান্তৰ দৰে জোনাইতো ৭৪ স্বাধীনতা দিৱস কেন্দ্ৰীয় ভাৱে পালন কৰা হয় ৷ জোনাইত পুৱা ৭.৩০ বজাত মহকুমাটোৰ চৰকাৰী বেচৰকাৰী কাৰ্যালয়, শিক্ষানুষ্ঠান, ব্যৱসায় প্ৰতিষ্ঠান আৰু অন্যান্য ৰাজহুৱা স্থানত জাতীয় পতকা উত্তোলন কৰা হয় ৷
জোনাই গান্ধী ময়দান খেলপথাৰত সীমিত লোকৰ উপস্থিতিত কেন্দ্ৰীয়ভাৱে আয়োজন কৰা স্বাধীনতা দিৱসৰ পতাকা উত্তোলন কৰে জোনাই মহকুমাৰ অতিৰিক্ত উপায়ুক্ত ভাৰপ্ৰাপ্ত মহকুমাধিপতি পাৰ্থপ্ৰতিম বৈৰাগীয়ে ৷ কৰ’ণাৰ ত্ৰাসৰ বাবে ছাত্ৰ-ছাত্ৰীয়ে এই অনুষ্ঠানত অংশগ্ৰহণৰ নকৰাৰ পৰিৱৰ্তে আৰক্ষীৰ জোৱানসকলে অংশগ্ৰহণ কৰে পেৰেডত ৷
লগতে পঢ়কঃ সাংসদৰ চকীৰ মোহ এৰিব নোৱাৰা এগৰাকী প্ৰাক্তন সাংসদ !
