মঙলদৈ,12 ছেপ্টেম্বৰ: ক’ভিড-19 ৰ ভয়াৱহতাৰ প্ৰতি লক্ষ্য ৰাখি ঘোষণা কৰা সম্পূৰ্ণ লক ডাউনৰ পৰিপ্ৰেক্ষিতত ৰাজ্যৰ সকলো বজাৰ সমাৰ বন্ধ হৈ আছিল ৷ বিগত কেইবামাহ ধৰি চলি থকা লক ডাউনৰ বাবেই বিপদৰ সন্মুখীন হ'বলগীয়া হৈছে ব্যৱসায়িক প্ৰতিষ্ঠানসমূহ ৷ প্ৰায় পাচটা মাহৰ অন্তত শনিবাৰে মঙলদৈত পুনৰ আৰম্ভ হৈছে মহিলা বজাৰ ৷
মঙলদৈৰ আত্মসহায়ক গোট সমূহৰ উৎপাদিত সামগ্ৰী সমূহ বিক্ৰী কৰাৰ ক্ষেত্ৰত এই মহিলা বজাৰ খনে বিশেষ অৰিহণা যোগাইছে ৷ মহিলা সকলক স্বনির্ভৰশীল কৰাৰ উদ্দেশ্যেৰে ৰাষ্টীয় নগৰীয়া জীৱিকা অভিযানৰ উদ্যোগত আৰু মঙলদৈ বিধায়ক গুৰুজ্যোতি দাসৰ প্ৰচেষ্টাত আৰম্ভ হৈছে এই বজাৰ খন ।পূৰ্বৰ দৰেই প্ৰতি শনিবাৰে অনুষ্ঠিত হ'ব এই বজাৰ খন । ইপিনে বৰ্তমান কৰ'ণা মহামাৰীয়ে ৰাজ্যত ভয়াৱহ ৰূপ ধাৰণ কৰাৰ সময়তে পুনৰ বজাৰ মুকলি কৰা বিষয়টো কিমান যুক্তিসংগত তথা প্ৰাসংগিক সেয়া এক চিন্তনীয় বিষয় ৷
