3 বজাৰ শীৰ্ষ 10 টা বাতৰি

3 বজাৰ শীৰ্ষ 10 টা বাতৰি

এআইইউডিএফৰ বিধায়ক চিৰাজউদ্দিন আজমল(AIUDF MLA Sirajuddin Ajmal) ৰ বিৰুদ্ধে দেওবাৰে বিহপুৰীয়া আৰু নাৰায়ণপুৰ ব্লক কংগ্ৰেছে দাখিল কৰিছে এজাহাৰ(Bihpuria and Narayanpur Block Congress lodge FIR) ।

বহিঃৰাজ্যৰ পৰা ধানৰ বীজ ক্ৰয় কৰা প্ৰক্ৰিয়া বন্ধ (Assam stops procurement of paddy seeds from outside)। লগতে বন্ধ হ'ল চিণ্ডিকেট । ধানৰ বীজ উৎপাদনৰ ক্ষেত্ৰ ৰাজ্যখনৰ কেইবাখনো জিলালৈ সম্প্ৰসাৰিত হৈছে । ৰাজ্যখনত প্ৰতি বছৰে প্ৰয়োজন হয় প্ৰায় ৩৮,০০০ মেট্ৰিকটন ধানৰ বীজ । এইবাৰ প্ৰায় ৩১-৩২ হাজাৰ মেট্ৰিকটন বীজ উৎপাদনৰ লক্ষ্য ।

ISIS ৰ প্ৰতি ভাৰতৰ যুৱপ্ৰজন্মক আকৰ্ষিত কৰিবলৈ একাংশ দুষ্টচক্ৰই চেষ্টা অব্যাহত ৰাখিছে । হায়দৰাবাদৰ তেনে এজন লোকক শেহতীয়াকৈ গ্ৰেপ্তাৰ কৰিছে (ISIS sympathiser arrested in Hyderabad) আৰক্ষীয়ে । লোকজন হায়দৰাবাদৰ ফলকনমাৰ বাসিন্দা মহম্মদ আবুচানী । সামাজিক মাধ্যমত ভাৰতৰ যুৱপ্ৰজন্মক সন্ত্ৰাসবাদৰ প্ৰতি আকৰ্ষিত কৰিবলৈ চেষ্টা চলাইছিল আবুচানীয়ে ।

শ্ৰীলংকাৰ ৰাষ্ট্ৰপতি গোটাবায়া ৰাজাপাক্ষে শনিবাৰে দেশখনত জৰুৰীকালীন অৱস্থাৰ ঘোষণা কৰে (President of Sri Lanka declares emergency) । এনে পৰিস্থিতিত দেশখনৰ নিৰাপত্তা সুৰক্ষিত কৰিবলৈ ভাৰতে সেনা প্ৰেৰণ কৰা বুলি এক বাতৰি প্ৰকাশ পাইছে । এই বাতৰিয়ে দেশখনত অশান্তিৰ সৃষ্টি কৰিছে । এই বাতৰিক ভুৱা বুলি দাবী কৰিলে শ্ৰীলংকাৰ সামৰিক বাহিনী আৰু ভাৰতীয় উচ্চ আয়োগে ।

দেওবাৰে পুৱা গোলাঘাটত পুনৰবাৰ পিঞ্জৰাবদ্ধ হয় এটা নাহৰফুটুকী(Leopard caged at Golaghat) ৷ অঞ্চলটোত আৰু প্ৰায় 7 টা নাহৰফুটুকী থকাৰ সন্দেহ প্ৰকাশ স্থানীয় লোক আৰু বন বিভাগৰ । অঞ্চলটোৰ বহু পশুধনক চিকাৰ হিচাপে বাছি লৈছে নাহৰফুটুকীটোৱে ৷

মহিলা ক্ৰিকেট বিশ্বকাপৰ ফাইনেল 2022ত আজি সমুখ সমৰত ইংলেণ্ড আৰু অষ্ট্ৰেলিয়া(Women's World Cup 2022 Final) ৷ অষ্ট্ৰেলিয়াই ছেমি ফাইনেলত ৱেষ্ট ইণ্ডিজক আৰু ইংলেণ্ডে ছেমি ফাইনেলত দক্ষিণ আফ্রিকাক পৰাস্ত কৰি ফাইনেলত নিজৰ স্থান নিশ্চিত কৰে ৷

কি হ'ব ইমৰান খানৰ ভৱিষ্যত ? আজিৰ দিনটোত বিশ্ববাসীৰ দৃষ্টি পাকিস্তানৰ ৰাজনৈতিক প্ৰেক্ষাপটৰ ওপৰত । দেওবাৰে অনুষ্ঠিত হ'ব অনাস্থা প্ৰস্তাৱৰ ভোটগ্ৰহণ (No-confidence vote against Pakistan government)। ইতিমধ্যে মিত্ৰজোঁটৰ মুখ্য সহযোগী দলৰ সমৰ্থন হেৰুৱাইছে ইমৰান খানৰ দলে ।

মৈৰাবাৰী আৰক্ষীৰ অপৰাধমূলক কাৰ্যকলাপ(Moirabari police against all illegal activities)ৰ বিৰুদ্ধে অভিযান অব্যাহত ৷ চৰকাৰে লোৱা কঠোৰ পদক্ষেপৰ প্ৰতি সঁহাৰি জনাই মৰিগাঁও জিলাৰ মৈৰাবাৰী আৰক্ষীয়ে অঞ্চলটোত তীব্ৰ অভিযান চলাই আহিছে ৷

যোৱা 31 মাৰ্চত অসমৰ দুখন আসনৰ বাবে অনুষ্ঠিত হোৱা ৰাজ্যসভা নিৰ্বাচনৰ পাচত ৰাজ্যত এতিয়া নিজৰ মাজতেই আৰম্ভ হৈছে বিৰোধীৰ কন্দল (Opposition clash in Assam) ৷ বিৰোধী শিবিৰত উভয়ৰে উভয়ৰ প্ৰতি মনত সন্দেহভাৱ জাগ্ৰত হ’ল ৷ সন্দেহৰ জুইকুৰাত বিজেপি বিধায়কে কৰা মন্তব্যসমূহে ঘিঁউৰ কাম কৰিলে ৷ কংগ্ৰেছ, এআইইউডিএফ উভয়েই এতিয়া প্ৰতিবাদ আৰম্ভ কৰিছে নিজৰ মাজত ৷

বিশ্বনাথৰ লোহিত শইকীয়া নামৰ লোকজনে ৪ বছৰ পূৰ্বে মহিন্দ্ৰা ফাইনেঞ্চৰ জৰিয়তে এখন TATA TIAGO গাড়ী ক্ৰয় কৰিছিল । শুকুৰবাৰে হঠাৎ বিশ্বনাথ চাৰিআলিত নিজকে মহিন্দ্ৰা ফাইনেঞ্চৰ কৰ্মচাৰী বুলি পৰিচয় দিয়া তিনি যুৱকে অনাদায় কিস্তি আদায়ৰ নাম হাৰাশাস্তি কৰে লোকজনক ৷