দৰঙ,15জুলাইঃ ছিপাঝাৰৰ ৰামদেলিপাৰা গনেশকুঁৱৰী গাঁও পঞ্চায়তৰ এখন অতি পিছপৰা নৈ পৰীয়া গাঁও । এই গাঁওখনৰ কাষেৰে বৈ যোৱা ননৈ নদীৰ অতি জৰাজীৰ্ন তথা বিধ্বস্ত মথাউৰি চাবলৈ উপস্থিত হৈছিল স্থানীয় বিধায়ক বিনন্দ কুমাৰ শইকীয়া লগতে জলসম্পদ বিভাগৰ কাৰ্যবাহী অভিযন্তা দীপক ভট্ট সহ এটা বাহিনী । উদ্দেশ্য আছিল ভাঙো-ভাঙো হৈ থকা ননৈৰ পশ্চিম পাৰৰ মথাউৰি চাই ৰাইজক সান্তনা দিয়া।
কিন্তু মথাউৰী নিৰ্মাণক লৈ আগৰে পৰা অসন্তুষ্ট হৈ থকা ৰাইজে মঙলবাৰে পৰাই অনাহাৰে অনিদ্ৰাই মথাউৰিটো ৰক্ষনাবেক্ষন দি ভাগৰি পৰিছিল ৷ বুধবাৰে নৈপৰীয়াৰ ৰোষত পৰিল জলসম্পদৰ অভিযন্তা দীপক ভট্টৰ সৈতে বিধায়ক গৰাকীও । ৰাইজৰ ক্ষোভৰ উদ্গীৰণ তথা চিঞৰ-বাখৰত হতভম্ব হৈ পৰে বিধায়ক আৰু অভিযন্তা । পৰিস্থিতি বিষম দেখি নিৰাপত্তাৰ খাতিৰতে দলে-বলে দুয়ো গাড়ীত উঠি ৰামদেলিপাৰা গাঁওৰ পৰা বিদায় লয় ।
লগত পঢ়কঃবলপূৰ্বক ৰাজহুৱা বিল দখলত নামিছে ছাত্ৰ নেতা
