দৰং, 18 মে’: জুবিন গাৰ্গৰ মৰমৰ পোৱালী অৰ্থাৎ মঙলদৈৰ কল্পজ্যোতি বণিয়াৰ সাফল্য । সদ্য ঘোষিত হাইস্কুল শিক্ষান্ত পৰীক্ষাত সংগীত বিষয়ত সৰ্বোচ্চ নম্বৰ লাভ কৰিছে পোৱালীয়ে ৷ 94% শতাংশ নম্বৰ লাভ কৰি সুনাম কঢ়িয়াই আনিছে কল্পই ।মঙলদৈ চৰকাৰী উচ্চতৰ মাধ্যমিক বিদ্যালয়ৰ ছাত্ৰ কল্প । বণিয়া পাৰাৰ অতি দৰিদ্ৰ পৰিয়ালৰ সন্তান কল্পই বহু কষ্টৰে পঢ়া শুনা কৰিছিল ৷ সংগীতৰ প্ৰতি যথেষ্ট ৰাপ থকা কল্পই সৰুৰে পৰা চৰ্চা কৰি আহিছে বিভিন্ন বাদ্য যন্ত্ৰৰ । শেহতীয়াকৈ এই কিশোৰ গৰাকীয়ে জুবিন গাৰ্গৰ সৈতে বিভিন্ন সাংস্কৃতিক অনুষ্ঠানত বাদ্য সংগত কৰি আহিছে । জুবিনৰ লগত থাকিয়েই চৰ্চা কৰি আহিছে বিভিন্ন বাদ্যৰ ৷ জুবিনৰ অতি প্ৰিয় কল্পক জুবিনে মৰমতে মাতে পোৱালী বুলি ।
লগতে পঢ়ক: পুত্ৰৰ জীৱন ৰক্ষাৰ হেতু ৰাইজৰ ওচৰত সহায় ভিক্ষা
কল্পৰ সাফল্যত সুখী দৰিদ্ৰ পৰিয়ালটো ৷ ভৱিষ্যতে সংগীতৰ ক্ষেত্ৰত Phd কৰাৰ ইচ্ছা কল্প ওৰফে পোৱালীৰ ।
