দলগাওঁ, ১৪ নৱেম্বৰ: অৱশেষত গ্ৰেপ্তাৰ হ’ল চাহপাত চুৰিকাণ্ডৰ মূল নায়ক ৷ কিছুদিন পূৰ্বে দৰঙত সংঘটিত চাহপাত চুৰিৰে জড়িত মূল নায়ক গৰাকীক আৰক্ষীয়ে বৃহস্পতিবাৰে গ্ৰেপ্তাৰ কৰে ৷ লগতে চুৰিকাৰ্যত ব্যৱহাৰ কৰা AS 12AC 8712 নম্বৰৰ ট্ৰাকখনো জব্দ কৰে ৷ দলগাঁৱৰ দৈপাম আৰক্ষীৰ নেতৃত্বত চলা এই অভিযানত ধৰা পৰে প্ৰায় 18 লক্ষাধিক টকাৰ চাহপাত ৷ চুৰি হোৱা ট্ৰাকখন অৰুণাচল প্ৰদেশৰ বান্দৰদোৱাৰ পৰা আহিছিল ৷ আৰক্ষীয়ে গ্ৰেপ্তাৰ কৰা লোকজন দলগাঁওৰ অন্তৰ্গত চুকাবাহীৰ ছোবান আলি ৷ দৈপাম আৰক্ষীচকীৰ ভাৰপ্ৰাপ্ত বিষয়া কল্যাণ বৰাৰ নেতৃত্বত চলিছিল এই অভিযান ৷ গ্ৰেপ্তাৰ হোৱা লোকজনৰ ঘৰৰপৰা কিছু পৰিমাণৰ চাহপাত জব্দ কৰে আৰক্ষীয়ে । ইতিমধ্যে ঘটনা সন্দৰ্ভত বান্দৰদোৱা আৰক্ষী চকীত 23/19 u/s 120(B)/407 IPC নম্বৰৰ এক গোচৰ ৰুজু কৰা হৈছে ৷
লগতে চাওক:নলবাৰী ৰাস মহোৎসৱৰ চতুৰ্থ বাৰ্ষিক গ্ৰন্থ মেলা উদ্বোধন
