দৰং,10 আগষ্টঃ লক্ ডাউনৰ সময়তে টংলাৰ এগৰাকী ব্যক্তিয়ে সাজি উলিয়ালে অসমীয়া গীতত ব্যৱহৃত বিভিন্ন লোক বাদ্য ৷ কৰ'ণাৰ বাবে দেশত চলা লক্ ডাউনে একাংশ লোকক তেওঁলোকৰ সৃষ্টিকৰ্মক প্ৰকাশ কৰাৰ সুবিধা প্ৰদান কৰিলে ৷ তেনে এগৰাকী ব্যক্তি হৈছে টংলা চহৰৰ নৰেন ডেকা ৷ টংলা বালিকা বিদ্যালয়ৰ চতুৰ্থ বৰ্গৰ কৰ্মচাৰী নৰেন ডেকাই লক্ ডাউনৰ সময়চোৱাত নিজৰ সৃষ্টিশীল মনেৰে সাজি উলিয়ালে অসমীয়া লোক সংস্কৃতিত প্ৰচলিত বিভিন্ন থলুৱা বাদ্য যন্ত্ৰ । অসমীয়া লোকগীত, জিকিৰ আদিত বিশেষ ভাৱে ব্যৱহৃত হোৱা "ডোটোৰা","ডগৰ","একপেৰা"নামৰ বিভিন্ন লোক বাদ্য নিৰ্মাণ কৰিছে নৰেন ডেকা নামৰ ব্যক্তিগৰাকীয়ে ৷
বৰ্তমান তেওঁৰ পৰা বহুজনে এই বাদ্য যন্ত্ৰ ক্ৰয় কৰি নিছে ৷ লগতে তেওঁ জনাইছে যে, কোনোবা ব্যক্তিয়ে যদি এই বাদ্য যন্ত্ৰ বজাব জানে কিন্তু ক্ৰয় কৰিব পৰাকৈ সমৰ্থ নহয় তেনে ব্যক্তিক নৰেন ডেকাই বাদ্য যন্ত্ৰ উপহাৰ হিচাপে আগবঢ়াব ৷
লগতে পঢ়কঃপাহাৰৰ শিখৰ বগাই বিশ্বৰেকৰ্ড গঢ়াৰ সপোন চেৰুকুন্নিল মনেশৰ
