দলগাঁও, 26 অক্টোবৰ: সম্পূৰ্ণ ক'ভিড প্ৰট'কলৰ মাজেৰে দৰং জিলাৰ খাৰুপেটীয়া আৰু দলগাঁৱত অনুষ্ঠিত হ'ল প্ৰতিমা বিসৰ্জন অনুষ্ঠান ৷ 4 দিনীয়া পূজাৰ অন্তত সোমবাৰে জিলা প্ৰশাসনে জাৰি কৰা নিয়ম আৰু সময় অনুযায়ী ৰাইজে বিসৰ্জন দিলে দেৱী দুৰ্গাৰ প্ৰতিমা ৷
দশমী উপলক্ষে পুৱা বিহিত পূজা-অৰ্চনা সম্পন্ন কৰি দুয়োখন ঠাইৰে পূজা সমিতিসমূহে প্ৰতিমা সমূহ লৈ কোনো ধৰণৰ শোভাযাত্ৰা নকৰাকৈ নিৰ্ধাৰিত ঘাটত বিসৰ্জন দিয়ে ৷ মুঠ 38 টা প্ৰতিমা বিসৰ্জন দিয়ে খাৰুপেটীয়া আৰু দলগাঁৱৰ ভক্তপ্ৰাণ ৰাইজে ৷ আনহাতে এই ক্ষেত্ৰত জিলা প্ৰশাসনৰ তৰফৰ পৰাও লোৱা হৈছে নিৰাপত্তাকে ধৰি ভিন্ন দিশত সতৰ্কতা ৷ সাম্ভাব্য দুৰ্ঘটনাৰ পৰা সুৰক্ষিত থকাৰ অৰ্থে জিলা প্ৰশাসনে ঘাটত সাজু কৰি ৰাখে উদ্ধাৰকাৰীৰ দল ৷
লগতে পঢ়ক: নগাঁৱত নিশা পৰ্যন্ত বিসৰ্জন ঘাটত কৰ্তব্যত ব্যস্ত আৰক্ষী
