দৰং , 10 জানুৱাৰীঃ দৰং জিলাৰ এখন বিদ্যালয় ৷ আন বিদ্যালয়তকৈ কিছু ব্যতিক্ৰম এইখন বিদ্যালয় ৷ অৰ্থনৈতিক তথা বিভিন্ন কাৰণত নিজৰ সপোন আধাতে সামৰি শিক্ষা জীৱন আধৰুৱা কৰিবলৈ বাধ্য হোৱা এদল ছাত্ৰীক এইখন বিদ্যালয়খনে দেখুৱাইছে নতুন জীৱনৰ সপোন ৷
বিদ্যালয়খনৰ নাম দলগাঁও কস্তুৰবা গান্ধী বালিকা বিদ্যালয় ৷ দৰং জিলাৰ দলগাঁওস্থিত এইখন বিদ্যালয়ত চলিছে আধাতে শিক্ষা জীৱন সামৰিবলৈ বাধ্য হোৱা দৰিদ্ৰ ঘৰৰ প্ৰতিভাৱান ছাত্ৰ-ছাত্ৰী সকলক মানৱ সম্পদৰূপে গঢ় দিয়াৰ আখৰা ৷ শিক্ষাৰ পৰা আৰম্ভ কৰি বিদ্যালয় খনত দিয়া হয় বিভিন্ন আচবাৱ নিৰ্মাণ, গীত-নৃত্যৰ আদিৰ লগতে আত্মৰক্ষাৰ বাবে দিয়া হয় কুংফু-কাৰাটেৰ প্ৰশিক্ষণ ৷ এক নান্দনিক পৰিবেশত ষষ্ঠ শ্ৰেণীৰ পৰা দশম শ্ৰেণীলৈকে পাঠদানৰ লগতে বিদ্যায়লখনত প্ৰত্যেকগৰাকী ছাত্ৰীক প্ৰকৃত আৰু পূৰ্ণাংগ মানৱ ৰূপে গঢ় দিয়াৰ চেষ্টা চলোৱা হয় ৷ ব্যায়াম ,সংগীত, নৃত্য ,চিলাই , ৰন্ধাবঢ়া, খেতি বাতি কৰা , ফুলদানী নিৰ্মাণৰ লগতে কুংফু-কাৰাটেৰ প্ৰশিক্ষণ প্ৰাপ্ত বিদ্যালয় খনৰ দুগৰাকী ছাত্ৰীয়ে ইতিমধ্যে জিনিবলৈ সক্ষম হৈছে ৰাষ্ট্ৰীয় আৰু আন্তঃৰাষ্ট্ৰীয় পৰ্যায়ৰ স্বৰ্ণ পদক ৷
আদৰ্শ বিদ্যালয়খনত প্ৰত্যেক দেওবাৰে অনুষ্ঠিত হয় দেওবৰীয়া আড্ডা ৷ য’ত প্ৰতিগৰাকী ছাত্ৰ-ছাত্ৰীক দিয়া নিজ প্ৰতিভা বিকাশৰ মঞ্চ ৷ উল্লেখযোগ্য যে, দলগাঁও শিয়ালমাৰী শিক্ষা খণ্ডৰ অন্তগৰ্ত দলগাঁওস্থিত কস্তুৰবা গান্ধী বালিকা আৱাসিক বিদ্যালয়ত বৰ্তমান অধ্যয়ণৰত হৈ আছে আধাতে পাঠদান এৰিবলৈ বাধ্য হোৱা দৰিদ্ৰ ঘৰৰ ৮০ গৰাকী ছাত্ৰী ।
লগতে পঢ়কঃগৌৰী লংকেশ হত্যাকাণ্ডত জড়িত আন এজন অভিযুক্তক গ্ৰেপ্তাৰ
