মঙলদৈ,২২ জুলাই: দৰং জিলা সাহিত্য সভাৰ ৫০ সংখ্যক প্ৰতিষ্ঠা দিৱস আৰু সোণালী জয়ন্তীৰ শুভাৰম্ভণি(50th Foundation Day of Darang Zilla Sahitya Sabha) ৷ আৰম্ভ হ'ল বৰ্ষজোৰা সোনালী জয়ন্তী উৎসৱ উদযাপনৰ কাৰ্যসূচীৰ(Darang Zilla Sahitya Sabha Golden Jubilee Year) । সোণালী মূহুৰ্তত জিলাখনৰ প্ৰাক্তন সভাপতি আৰু কেইবাগৰাকীয়ো বিশিষ্ট ব্যক্তিয়ে উত্তোলন কৰিলে ৫০খন পতাকা ।
১৯৭৩ চনত গঠন হোৱা দৰং জিলা সাহিত্য সভাই ২১ জুলাইত ৫০ সংখ্যক প্ৰতিষ্ঠা দিৱস আৰু সোণালী জয়ন্তী বৰ্ষৰ শুভাৰম্ভণি অনুষ্ঠান উদযাপন কৰে । মঙলদৈ সাহিত্য পৰিষদে ১৯৮২ চনত অনুষ্ঠিত অসম সাহিত্য সভাৰ অধিৱেশনত দৰং জিলা সাহিত্য সভা নামেৰে পৰিচয় লাভ কৰিছিল । শুভাৰম্ভণি অনুষ্ঠানৰ মুকলি সভাত দৰং জিলা সাহিত্য সভাৰ প্ৰাক্তন সভাপতিসকলৰ লগতে অসম সাহিত্য সভাৰ উপ-সভানেত্ৰী মৃণালিনী দেৱীও উপস্থিত থাকে ৷
বছৰজোৰা সোনালী জয়ন্তী বৰ্ষ উদযাপন অনুষ্ঠানত দৰং জিলা সাহিত্য সভাৰ পত্ৰিকা উন্মোচন কৰে প্ৰাক্তন সভাপতি ড° নগেন্দ্ৰ নাথ শৰ্মাই ৷ অনুষ্ঠানৰ লগত সংগতি ৰাখি জিলাখনৰ মেট্ৰিক আৰু উচ্চতৰ মাধ্যমিকৰ ৭ জন কৃৰ্তি ছাত্ৰ-ছাত্ৰীক সম্বৰ্ধনা জনোৱা হয় ৷ লগতে সোণালী জয়ন্তী বৰ্ষ উপলক্ষে গোটেই বছৰটোত বিভিন্ন কাৰ্যসূচী ৰূপায়ণ কৰিব বুলি জানিবলৈ দিয়ে দৰং জিলা সাহিত্য সভাৰ কৰ্মকৰ্তাই ।
লগতে পঢ়ক: Fake trader arrested: নকল জিৰা বেপাৰী ৰোহি দাসক বিচাৰি যোৱা আৰক্ষীক বদলি
