চিৰাং, 24 ছেপ্তেম্বৰ: চিৰাং জিলাৰ বৰতালোৱা বজাৰত গছপুলি ৰোপন কাৰ্যসূচী ৰূপায়ন ৷ চিৰাং জিলা বন সংমণ্ডল বিষয়া ব্ৰহ্মানন্দ পাতিৰীৰ অনুপ্ৰেৰণাত বৰতালোৱা বজাৰৰ ব্যৱসায়িক সন্থাৰ উদ্যোগত, ঢালিগাঁও থানাৰ ভাৰপ্ৰাপ্ত বিষয়া বিজিত দাধৰাৰ সহযোগত গছপুলি ৰোপন কাৰ্যসূচী ৰূপায়ন কৰা হয় ৷
আৰক্ষী বিষয়া বিজিত দাধৰাই শুভাৰম্ভণি কৰা গছপুলি ৰোপন কাৰ্যসূচীত অৱসৰপ্ৰাপ্ত শিক্ষক নুৰুল ইছলামসহ বহু কেইগৰাকী বিশিষ্ট লোকে অংশগ্ৰহণ কৰে ৷ পৰিৱেশৰ প্ৰতি সজাগতা প্ৰচাৰৰ উদ্দেশ্যে এই কাৰ্যসূচী গ্ৰহণ কৰা হয় বুলি উল্লেখ কৰে ব্যৱসায়িক সন্থাৰ সভাপতি আব্দুল মালেক আহমেদে ৷
লগতে পঢ়ক: কৃষকৰ ধৈৰ্যৰ বান্ধ নিছিঙিবলৈ চৰকাৰক আহ্বান কৃষক সভাৰ
