চিৰাং,17 মাৰ্চ: চিৰাঙৰ বিজনী সমষ্টিত বৃহৎ সংখ্যক সংখ্যালঘু ভোটাৰ থকাৰ পাছতো কোনো দলে সংখ্যালঘু প্ৰাৰ্থী প্ৰদান নকৰাত ক্ষোভিত হৈ নিৰ্দলীয়ভাৱে প্ৰাৰ্থিত্ব আগবঢ়োৱাৰ সিদ্ধান্ত লৈছে বিজনীৰ এজন সংখ্যালঘু সম্প্ৰদায়ৰ লোকে ৷ কোনো ৰাজনৈতিক দলে সংখ্যালঘু প্ৰাৰ্থী প্ৰক্ষেপ নকৰাত আলুখুন্দা বৌপাৰাৰ বাসিন্দা নুৰ ইছলাম নামৰ লোকজনে নিৰ্দলীয়ভাৱে প্ৰতিদ্বন্দ্বিতা কৰিবলৈ আগবাঢ়ি আহিছে ৷
নুৰে ইছলামে কয় যে, "মই কোনো দলৰ নেতা বা মন্ত্ৰীৰ পুত্ৰ নহয় ৷ বিজনী সমষ্টিত প্ৰায় 33,000 সংখ্যালঘু ভোটাৰ থকাৰ পাছতো কোনো দলেই সংখ্যালঘু প্ৰাৰ্থী প্ৰক্ষেপ নকৰিলে ৷ মন্ত্ৰী হিমন্ত বিশ্ব শৰ্মাই বাৰে বাৰে কৈ আছে যে, "আমাক চাচা-মামাৰ ভোট নালাগে ৷ মিঞাৰ ভোট নালাগে" ৷ তেওঁ লগতে এইবুলিও কয় যে, "কোনো দলেই সংখ্যালঘু প্ৰাৰ্থী প্ৰক্ষেপ নকৰাত এই কথাই প্ৰমাণ হয় যে, কোনো ৰাজনৈতিক দলক সংখ্যালঘুৰ ভোট নালাগে ৷ সেয়েহে মই প্ৰাৰ্থিত্ব আগবঢ়াবলৈ বাধ্য হৈছো" সমষ্টিৰ সংখ্যালঘু ৰাইজে ভোট দি তেওঁক বিজয়ী কৰিব বুলিও ইছলামে মন্তব্য কৰে ৷
লগতে পঢ়ক: ৰঙিয়াৰ প্ৰাৰ্থী দেবব্ৰত কলিতাৰ মনোনয়ন প্ৰত্যাহাৰ
