চিৰাঙত আছুৰ উদ্যোগত গণবিক্ষোভ

নাগৰিকত্ব সংশোধনী আইন 2019ৰ বিৰুদ্ধে গণবিক্ষোভ কাৰ্যসূচী ৰূপায়ন কৰে চিৰাং আছুৱে ৷ তাল-খোলৰ মাতেৰে গণবিক্ষোভ কাৰ্যসূচীত সহস্ৰজনে অংশগ্ৰহণ কৰে ৷

চিৰাং, 24 ডিচেম্বৰঃ চিৰাং জিলাৰ বাসুগাঁৱত আছুৰ উদ্যোগত ৰূপায়ন কৰা হয় অভিনৱ প্ৰতিবাদী কাৰ্যসূচী ৷ চিৰাং জিলা আছুৰ সহযোগত বাসুগাঁও আঞ্চলিক আছুৱে ৰূপায়ন কৰে বিশাল গণবিক্ষোভ কাৰ্যসূচী ৷

নাগৰিকত্ব সংশোধনী আইন, 2019ৰ বিৰুদ্ধে ৰাজ্যত প্ৰতিবাদ অব্যাহত আছে ৷ ৰাজ্যৰ বিভিন্ন স্থানত প্ৰতিবাদী কাৰ্যসূচী অব্যাহত থকাৰ সময়তে চিৰাঙত অভিনৱ ৰূপত গণবিক্ষোভ কাৰ্যসূচী ৰূপায়ন কৰে আছুৱে ৷ আছুৰ উদ্যোগত অনুষ্ঠিত হোৱা বিক্ষোভ কাৰ্যসূচীত শিশুৰ পৰা আৰম্ভ কৰি বৃদ্ধলৈকে সকলো স্তৰৰ লোকে অংশগ্ৰহণ কৰে ৷ তাল-খোল বজাই চৰকাৰ বিৰোধী শ্লোগানেৰে এইদৰে বিক্ষোভ কাৰ্যসূচী ৰূপায়ন কৰে আছুৱে ৷