চিৰাং,16 ফেব্ৰুৱাৰীঃ চিৰাং জিলাৰ বাসুগাঁৱত সেনা-আৰক্ষীৰ যৌথ অভিযান ৷ দেওবাৰে সন্ধিয়া চলোৱা এক অভিযানত বাসুগাঁৱৰ ৰাজচাৰাঙত অস্ত্ৰসহ কে এল অ’ৰ এজন সদস্যক আটক কৰে আৰক্ষীয়ে । ধৃত সদস্যজনৰ পৰা দুটাকৈ অত্যাধুনিক পিষ্টলসহ কেইবাজাঁই সজীৱ গুলী উদ্ধাৰ কৰা হয় । সদস্যজনক বাসুগাঁও থানাত ৰাখি অধিক তথ্যৰ বাবে জেৰা অব্যাহত ৰাখিছে আৰক্ষীয়ে । ধৃত সদস্যজন চাপৰ থানাৰ অন্তৰ্গত দামোদৰপুৰৰ চিত্ত বৰ্মন বুলি জানিবলৈ দিয়ে আৰক্ষীয়ে ৷
মাৰণাস্ত্ৰসহ কেএলঅ’ সদস্য গ্ৰেপ্তাৰ
উল্লেখ্য যে,এন ডি এফ বি-য়ে চৰকাৰৰ সৈতে শান্তি আলোচনাত বহাৰ পিছত পৰিস্থিতি শান্তিপূৰ্ণ হৈ উঠিছিল যদিও কেএলঅ’ সদস্যজন গ্ৰেপ্তাৰৰ ঘটনাই শংকিত কৰি তুলিছে চিৰাং জিলাবাসীক ৷
লগতে চাওকঃকলকাতাত উন্মোচন সাহিত্যৰথীৰ প্ৰতিমূৰ্তি
