চিৰাং, 9 ডিচেম্বৰ : বি টি চি অঞ্চলত বি টি আৰ চুক্তিৰ পিছতেই অপ্ৰাদেশীকৃত বিদ্যালয়সমূহ প্ৰাদেশীকৰণৰ প্ৰতিশ্ৰুতি দিছিল চৰকাৰে ৷ বি টি আৰ চুক্তিৰ 6.3 দফা অনুসৰি বিদ্যালয় প্ৰাদেশীকৰণৰ যি প্ৰস্তাৱ ৰখা হৈছিল সেইয়া আজিলৈকে কাৰ্যকৰী হৈ নুঠিল ৷
সম্প্ৰতি নতুন শিক্ষা নীতিৰ পৰিপ্ৰেক্ষিতত এই অপ্ৰাদেশীকৃত বিদ্যালয় সমূহ একেবাৰে বন্ধ হৈ যোৱাৰ আশংকাত অপ্ৰাদেশীকৃত শিক্ষক সকল জাঙুৰ খাই উঠিছে (demand for provincialization of school of btr) ৷ পশ্চিম কোকৰাঝাৰ সমষ্টিৰ বিধায়ক লৰেঞ্চ ইচলাৰীয়ে এই ক্ষেত্ৰত কেন্দ্ৰৰ সৈতে আলোচনা কৰাৰো প্ৰতিশ্ৰুতি দিছিল ৷
4 ডিচেম্বৰলৈকে বিধায়ক গৰাকীয়ে কোনো পদক্ষেপ গ্ৰহণ নকৰাত প্ৰাথমিক আৰু উচ্চ প্ৰাথমিক বিদ্যালয়ৰ শিক্ষক সকলে একগোট হৈ ধাৰাবাহিক আন্দোলনৰ হুংকাৰ দিছে (BTR Teachers Protest) ৷ 11 ডিচেম্বৰলৈকে সময়সীমা বান্ধি দিছে বি টি আৰৰ অপ্ৰাদেশীকৃত শিক্ষক সন্থাই ৷ উক্ত সময়ৰ ভিতৰত কোনো সিদ্ধান্ত দিব নোৱাৰিলে যিকোনো অপ্ৰীতিকৰ পৰিস্থিতৰ উদ্ভৱ হ’ব পাৰে বুলিও তেওঁলোকে জানিবলৈ দিয়ে ৷
লগতে পঢ়ক : Nagaland Army Amush : চিৰাঙত এবছুৰ শ্ৰদ্ধাঞ্জলি অনুষ্ঠান
