চিৰাং,3ডিচেম্বৰ: চিৰাঙৰ কাজলগাঁৱৰ ইউপিপিএল কাৰ্যালয়ত ইউপিপিএলৰ সংবাদমেল ৷ সংবাদমেলত ইউপিপিএলৰ সম্পাদক ছাইবুল ইছলামে কয় যে, ইউপিপিএলৰ সংখ্যালঘু কোষৰ সম্পাদক ৰফিকুল ইছলাম কোৰেশি নামৰ যুৱক জনে বুধবাৰে কোকৰাঝাৰত সংবাদমেল অনুষ্ঠিত কৰি দলটোৰ বিৰুদ্ধে ভিত্তীহীন অভিযোগ আনি পদত্যাগৰ কথা কৈছে । প্ৰকৃততে বিপিএফৰ প্ৰৰোচনাত পৰি যুৱকজনে এই কাৰ্য সংঘটিত কৰে বুলি অভিযোগ উত্থাপন কৰে সম্পাদক গৰাকীয়ে ৷
ইয়াৰ লগতে, সংবাদমেলত ইছলামে কয়, কোৰেশীয়ে এবাৰ এআইইউডিএফ, এবাৰ বিপিএফ আৰু এবাৰ ইউপিপিএলত যোগদান কৰিছে ৷ এনেদৰে দল বাগৰা ব্যক্তি হৈছে কোৰেশী ৷ কোৰেশীয়ে ইউপিপিএল দলে সন্মান সহকাৰে দলটোৰ সংখ্যালঘু কোষৰ সম্পাদকৰ পদৰ দায়িত্ব লৈছিল । এনে ধৰণৰ লোকে নিজৰ দলীয় স্থিতি ধৰি ৰাখিব নোৱাৰে । যাৰ বাবে কোৰেশী দল ত্যাগ কৰিলেও কোনো ক্ষতি নহয় বুলি প্ৰকাশ কৰে ছাইবুল ইছলামে ৷
একেদৰে চাহ জনগোষ্ঠী গোটৰ সম্পাদক ৰোমিঅ' এক্কাও পদত্যাগ কৰি বিপিএফৰ হৈ কাম কৰিব বুলিও জানিব পৰা গৈছে বুলি জনায় ইছলামে ।
সংবাদমেলত ইউপিপিএলৰ সংখ্যালঘু কোষৰ সাংগঠনিক সম্পাদক ৰজব আলীয়ে কয় যে, দল বাগৰা ৰফিকুল ইছলামে ইতিমধ্যে কেইবাটাও দলত যোগদান কৰি আকৌ ওলাই আহিছে । গতিকে তেওঁ ইউপিপিএল দলৰ ত্যাগ কৰাটো দলটোৰ বাবে ভালহে হৈছে বুলি কয় ।
অন্য এক খবৰৰ বাবে: তদন্তকাৰী সংস্থাৰ কাৰ্যালয়ত চিচিটিভি কেমেৰা সংস্থাপনৰ নিৰ্দেশ উচ্চতম ন্যায়ালয়ৰ
