চিৰাং, 29 ডিচেম্বৰ : চিৰাঙত মঙলবাৰে যক্ষ্মা ৰোগৰ সজাগতা সমদল উলিয়াই জিলা স্বাস্থ্য বিভাগৰ যক্ষ্মা ৰোগ নিয়ন্ত্ৰণ বিভাগে । জিলা খনৰ সদৰ কাজলগাঁও অসামৰিক চিকিৎসালয় জে এচ বি অসামৰিক চিকিৎসালয়ৰ পৰা ওলোৱা এই সমদলত জিলা স্বাস্থ্য বিভাগৰ যুটীয়া সঞ্চালক ৰাতুল চন্দ্ৰ বৰদলৈয়ে পতাকা জোকাৰি শুভাৰম্ভ কৰে ।
জিলা স্বাস্থ্য বিভাগৰ যক্ষ্মাৰোগ নিয়ন্ত্ৰণ বিষয়া চিকিৎসক কুমুদ ডেকা,কাশিকত্ৰা মডেল হাস্পতালৰ ভাৰপ্ৰাপ্ত বিষয়া চিকিৎসক ৰাজেশ পাণ্ডে,জিলাৰ মেডিয়া বিষয়া ময়েজ উদ্দিন আহমেদ,বিলাসপুৰ মানছুৰীয়া হাই মাদ্ৰাছাৰ শিক্ষক,ছাত্ৰ-ছাত্ৰী,ছেন্ট আগষ্টিন নাৰ্চিং হোমৰ নাৰ্ছ সকলে এই সমদলত অংশ গ্ৰহণ কৰে ।
উদ্ধোধনী অনুষ্ঠানত জিলা স্বাস্থ্য বিভাগৰ যুটীয়া সঞ্চালক ৰাতুল চন্দ্ৰ বৰদলৈয়ে কয়, চিৰাং জিলাত এতিয়ালৈকে মুঠ ৪৮৮ জন যক্ষ্মা ৰোগী চিনাক্ত হৈছে । ইয়াৰে ৪৭৯ জন সামান্য প্ৰাথমিক ৰোগীৰ চিকিৎসা হৈ আৰোগ্যৰ দিশত আৰু ৯ জন জটিল যক্ষ্মা ৰোগী বুলি জানিবলৈ দিছে সঞ্চালক গৰাকীয়ে ।
লগতে পঢ়ক : অসমত দ্বিতীয় দিনা আৰম্ভ হৈছে ক'ৰণা প্ৰতিষেধকৰ পৰীক্ষণ
