চিৰাং,7 মাৰ্চ: এনডিএফবিৰ প্ৰাক্তন নেতা এম বাথা পুনৰ উগ্ৰপন্থী সংগঠনলৈ যোৱাৰ সন্দৰ্ভত প্ৰমোদ বড়ো নেতৃত্বাধীন চৰকাৰক দায়ী বুলি মন্তব্য কৰে এনডিএফবিৰ প্ৰাক্তন সভাপতি তথা বিপিএফৰ পাৰিষদ ছাইকং বসুমতাৰী ওৰফে বি ছাউৰাইগ্ৰাই ৷ বসুমতাৰীৰ মতে, এনডিএফবিৰ সদস্যসকলৰ বিৰুদ্ধে থকা গোচৰ সমূহ উঠাই ল'ব নে নাই সেয়া প্ৰমোদ বড়োৰ চৰকাৰে জানিব ৷ তেওঁলোকে নিজৰ দায়িত্ব পালন কৰিব নোৱাৰি আনক দোষাৰোপ কৰি আছে ৷ এম বাথা সন্দৰ্ভত মোৰ হাতত কোনো তথ্য নাই ৷ গোচৰ উঠোৱা আৰু সদস্যসকলক সংস্থাপন দিয়াৰ দায়িত্ব চৰকাৰৰহে ৷ এইবুলি প্ৰতিক্ৰিয়া প্ৰকাশ কৰে বি ছাউৰাইগ্ৰাই ৷
শনিবাৰে কাজলগাঁৱত সংবাদ মাধ্যমৰ আগত এনডিএফবিৰ প্ৰাক্তন সভাপতি গৰাকীয়ে কয় যে, এম বাথাই ক'ত আছে, কি কৰি আছে সেয়া মই জ্ঞাত নহয় ৷ শান্তি প্ৰক্ৰিয়াৰ জৰিয়তে আমি মূলসূঁতিলৈ অহাৰ সময়তে সংগঠন ভংগ কৰা হৈছে ৷ তেতিয়াৰ পৰা আমাৰ কোনো যোগাযোগ নাই ৷
লগতে পঢ়ক: অভিজিৎ হাজৰিকা আৰু বেণুধৰ নাথৰ টিকট লাভ
