চিৰাং, 12 জুন : চিৰাং জিলাৰ বামুনগাঁৱত কোটি টকা ব্যয়ৰে দহ বছৰ পূৰ্বে আটক ধুনীয়াকৈ নিৰ্মাণ কৰা ৩০ খন বিচনাযুক্ত চিকিৎসালয়খনত এতিয়া চিকিৎসক-ৰোগীৰ বিপৰীতে জংঘলেৰে আৱৰি ধৰিছে । বিভাগীয় কৰ্তৃপক্ষ তথা স্থানীয় জন প্ৰতিনিধিৰ চূড়ান্ত গাফিলতিৰ বাবে সম্প্ৰতি চিকিৎসালয়খন মদ, জুৱা তথা বিভিন্ন অনৈতিক কাৰ্যৰ ঘাটিত পৰিণত হৈছে ।
বিগত সময়ছোৱাত বিটিচি (BTC)ৰ উপমুখ্য খাম্পা বৰগয়াৰী (Khampa Bargayari), অসম চৰকাৰৰ মন্ত্ৰী চন্দন ব্ৰহ্ম (Chandan Brahma)ই চিৰাং জিলাৰ পৰাই প্ৰতিনিধিত্ব কৰিছিল যদিও জিলাখনৰ স্বাস্থ্যখণ্ডক তেওঁলোকেই এই দুৰৱস্থাৰ মাজত ঠেলি দিছিল । অঞ্চলটোৰ লোকসকলে চিকিৎসাৰ বাবে বঙাইগাঁও, কোকৰাঝাৰ, বৰপেটা বা গুৱাহাটীলৈ যাবলগীয়া হয় । ক’ভিড (Covid 19)ৰ বাবে এতিয়া আন্তঃজিলা যাতায়ত বন্ধ হৈ পৰাত চিকিৎসাৰ বাবে অইন জিলালৈ যোৱা বন্ধ হৈ পৰিছে । গতিকে এই সময়ৰ অসুবিধাৰ প্ৰতি লক্ষ্য ৰাখি অসম চৰকাৰ তথা বিটিআ (BTR)ৰ প্ৰশাসনক তৎকালীনভাৱে চিকিৎসালয়খন কাৰ্যক্ষম কৰি বৃহত্তৰ বামুনগাঁৱবাসী লোকৰ চিকিৎসাৰ ক্ষেত্ৰত সুবিধা কৰি দিয়াৰ বাবে দাবী জনাইছে অঞ্চলবাসীয়ে ।
লগতে পঢ়ক : ৰাজ্যত ক'ভিড আক্ৰান্তৰ হাৰ ২.১৬ শতাংশলৈ হ্ৰাস
