চিৰাং, ২ মে': পুৱা ৮ বজাৰ লগে লগে ৰাজ্যজুৰি আৰম্ভ হৈছে ভোট গণনা । চিৰাঙ জিলাতো ইতিমধ্যে আৰম্ভ হৈছে ভোট গণনা প্ৰক্ৰিয়া । প্ৰথমে পোষ্টেল বেলটৰ গণনা আৰম্ভ হৈছে । চিৰাং জিলা সদৰ কাজলগাঁৱৰ পেৰেড গ্ৰাউণ্ডত অনুষ্ঠিত হৈছে ভোট গণনা প্ৰক্ৰিয়া । ৩১ নং চিদলী (জনজাতী) বিধান সভা সমষ্টিৰ ভোট গণনা কেন্দ্ৰত কটকটীয়া নিৰাপত্তাৰ মাজেৰে সম্পূৰ্ণ ক'ভিড নীতি-নিয়মৰ মাজেৰে ভোট গণনাৰ ব্যৱস্থা কৰা হৈছে ।
চিৰাং
ইপিনে, পুৱাই ভোট গণনা কেন্দ্ৰত উপস্থিত হোৱা দেখা গৈছে ইউপিপিএল দলৰ প্ৰাৰ্থী (বিজেপি মিত্ৰজোঁট) জয়ন্ত বসুমতাৰী । বসুমতাৰীয়ে কয় যে এইবাৰ চিদলী সমষ্টিৰ ভোটাৰসকলে তিনিবাৰকৈ বিধায়ক হোৱা চন্দন ব্ৰহ্মৰ পৰা পৰিত্ৰান বিচাৰি ভোটদান কৰিছে আৰু জয়ন্ত বসুমতাৰীৰ বিজয় নিশ্চিত বুলি মন্তব্য কৰে ।
লগতে পঢ়ক: ৰাজ্যত পুনৰ ফুলিব পদুম:সুমন হৰিপ্ৰিয়া
