চিৰাং,11 মাৰ্চঃ চিৰাঙত বুধবাৰে অনুষ্ঠিত হয় বিটিচি টেট উত্তীৰ্ণ ঠিকাভিত্তিক শিক্ষক সন্থাৰ এক সংবাদমেল ৷ সংবাদমেলখনত শিক্ষক সন্থাটোৰ নেতা সঞ্জয় নাথে ২০১২ চনৰ ১৯ডিচেম্বৰত অন্তিমবাৰৰ বাবে বিটিচি টেট অনুষ্ঠিত হোৱা বুলি ব্যক্ত কৰে ৷ প্ৰায় ৩৫০০গৰাকী শিক্ষিত যুৱক-যুৱতীয়ে টেট উত্তীৰ্ণ হোৱাৰ পিছত বিটিচি প্ৰশাসনে শিক্ষকৰ খালী থকা পদসমূহৰ নিযুক্তিৰ কোনো ব্যৱস্থা নকৰিলে । বাকী একাংশই সুবিধা অনুযায়ী অসমৰ অন্যান্য জিলাত কৰ্মৰত হৈ আছে । কিন্তু বিটিচি টেটৰ প্ৰমাণপত্ৰ অসম চৰকাৰে নাকচ কৰিছে বুলি উল্লেখ কৰে শিক্ষকসকলে । পূৰ্বৰ টেট উত্তীৰ্ণসকলক বাদ দি নতুনকৈ টেট উত্তীৰ্ণ সকলক নিযুক্তিৰ বাবে চেষ্টা চলোৱা পৰিলক্ষিত হৈছে ।
গতিকে বিটিচিত শিক্ষক নিযুক্তিৰ প্ৰয়োজনীয়তা সেয়া সকলোৱে দাবী কৰে ৷ কিন্তু বিভাগীয় নীতি-নিয়ম অনুসৰি এই নিযুক্তি প্ৰদানৰ দাবী জনায় সন্থাটোৱে ৷ বিটিচি শিক্ষা সঞ্চালকে শিক্ষাৰ অধিকাৰ আইন উলংঘা কৰি টেট নোহোৱাকৈয়ে শিক্ষক নিযুক্তিৰ অভিযোগ উত্থাপন কৰে । সম্প্ৰতি টেট শিক্ষকসকলে ন্যায় বিচাৰি উচ্চ ন্যয়ালয়ৰ কাষ চপাৰ হুংকাৰ প্ৰদান কৰিছে চৰকাৰক ৷
