বাসুগাঁৱৰ আছু কাৰ্যালয়ত কোনে সানিলে ক'লা ৰং?

শেহতীয়াকৈ এন আৰ চিৰ অভিযোগ আৰু আপত্তি দাখিলকলৈ সৃষ্টি হোৱা বিতৰ্কক কেন্দ্ৰ কৰি দুৰ্বৃত্তই এই কাণ্ড সংঘটিত কৰা বুলি সন্দেহ কৰা হৈছে ৷ অঞ্চলটোৰ শান্তি-সম্প্ৰীতি বিনষ্ট কৰিব পৰা এনে ঘটনাত প্ৰতিক্ৰিয়া প্ৰকাশ কৰিছে সচেতন মহলে ৷

চিৰাং , 13 মে': চিৰাঙৰ বাসুগাঁওস্থিত বাসুগাঁও আঞ্চলিক ছাত্ৰ সন্থাৰ কাৰ্যালয়ত দুৰ্বৃত্তই ক'লা ৰং সানি থৈ যোৱাকলৈ সৃষ্টি হৈছে প্ৰতিক্ৰিয়া ৷ ছাত্ৰ সন্থাৰ কাৰ্যালয়টোৰ নাম ফলক আৰু শ্বহীদ বেদীত ক'লা ৰং সনাৰ লগতে আছুৰ সভাপতি দীপাংক কুমাৰ নাথে উদ্ধোধন কৰা আঞ্চলিক কাৰ্যালয়টোৰ ফলকতো দুৰ্বৃত্তই ক'লা ৰং সানে ৷

শেহতীয়াকৈ এন আৰ চিৰ অভিযোগ আৰু আপত্তি দাখিলকলৈ সৃষ্টি হোৱা বিতৰ্কক কেন্দ্ৰ কৰি দুৰ্বৃত্তই এই কাণ্ড সংঘটিত কৰা বুলি সন্দেহ কৰা হৈছে ৷ অঞ্চলটোৰ শান্তি-সম্প্ৰীতি বিনষ্ট কৰিব পৰা এনে ঘটনাত প্ৰতিক্ৰিয়া প্ৰকাশ কৰিছে সচেতন মহলে ৷