চিৰাং, 19 এপ্ৰিল : এচএচটি আৰু ফ্লাইং স্কোৱাডৰ অভিযানত চিৰাঙত জব্দ 13 লাখ টকা ৷ তৃতীয় পৰ্যায়ৰ লোকসভা নিৰ্বাচনলৈ মাত্ৰ তিনিদিন থকাৰ পূৰ্বে বৃহৎ পৰিমাণৰ ধন জব্দ হোৱা ঘটনাই ৰহস্যৰ সৃষ্টি কৰিছে অঞ্চলটোত ৷
চিৰাঙত নগদ 13 লাখ টকা সহ আটক চাৰিজন যুৱক
শুকুৰবাৰে চিৰাঙৰ ৰনিখাতাৰ আশ্ৰাবাৰীৰ পৰা জব্দ হয় এই ধনখিনি ৷ এচএচটি আৰু ফ্লাইং স্কোৱাডৰ যুটীয়া অভিযানত এখন মাৰুটি ভেনৰ পৰা উদ্ধাৰ হয় বৃহৎ পৰিমাণৰ ধনখিনি ৷ ধন সহিতে অভিযানকাৰী দলটোৱে গ্ৰেপ্তাৰ কৰে উৎপল দেশী নামৰ পশ্চিমবংগৰ যুৱক এজনৰ সৈতে তেওঁৰেই তিনি সতীৰ্থক ৷ তিনিবন্ধুৰ সৈতে ভূটানৰ গেলেফুৰ পৰা ধন লৈ চিৰাঙত উপস্থিত হৈছিল যুৱকজন ৷ নিৰ্বাচনৰ পূৰ্বে ভোটাৰৰ মাজত বিতৰণৰ উদ্দেশ্যে এই ধনখিনি অনা হৈছিল বুলি সন্দেহ প্ৰকাশ কৰিছে এচএচটি তথা ফ্লাইং স্কোৱাডে ৷
