আব্দুল ৰেজাক গুৰ্ণাহলৈ 2021 বৰ্ষৰ সাহিত্যৰ নোবেল বঁটা
ঘোষণা কৰা হ’ল 2021 চনৰ সাহিত্যৰ নোবেল বঁটা ৷ তাঞ্জানিয়াৰ লেখক আব্দুল ৰেজাক গুৰ্ণাহক বৃহস্পতিবাৰে সাহিত্যৰ নোবেল বঁটা প্ৰদান কৰা হৈছে ৷
5.5 প্ৰাৱল্যৰ ভূমিকম্পই জোকাৰি গ'ল গুৱাহাটীকে ধৰি অসমৰ ভিন্ন অংশ
গুৱাহাটীৰ লগতে অসমৰ অন্যান্য অংশত ভূমিকম্পৰ জোকাৰণি ৷ ভূমিকম্পৰ অভিকেন্দ্ৰ ম্যানমাৰৰ(Myanmar) মান্দালয়ৰ(Mandalay) পৰা 148 কিলোমিটাৰ পশ্চিমত ৷ ৰিখটাৰ স্কেলত ভূমিকম্পৰ প্ৰাৱল্য আছিল 5.5 ৷
মৰিগাঁৱত আৰক্ষীৰ মানসিক স্বাস্থ্য সন্দৰ্ভত সজাগতা শিবিৰ
মৰিগাঁৱত আৰক্ষীৰ লোকসকলৰ মানসিক স্বাস্থ্য শক্তিশালী কৰাৰ উদ্দেশ্যে অনুষ্ঠিত কৰা হয় এক বিশেষ সজাগতা শিবিৰ ৷ বিশ্ব মানসিক স্বাস্থ্য সজাগতা সপ্তাহৰ সৈতে সংগতি ৰাখি আয়োজন কৰা হয় এই বিশেষ সজাগতা শিবিৰ ৷
১৫ অক্টোবৰৰ পৰা বিদেশীসকলক দিয়া হ'ব ভাৰতীয় পৰ্যটক ভিছা
দীৰ্ঘ বিৰতিৰ অন্তত অৱশেষত ভাৰতলৈ আহিব পাৰিব বিদেশী পৰ্যটক । ক'ভিড পৰিস্থিতিৰ বাবে যোৱা বছৰৰ পৰা বিদেশীসকলক প্ৰদান কৰা হোৱা নাছিল কোনো ধৰণৰ ভিছা । কিন্তু শেহতীয়াকৈ গৃহ মন্ত্ৰালয়ে জাৰি কৰা নিৰ্দেশনা অনুসৰি এই মাহৰ পৰাই বিদেশীসকলক ভাৰতলৈ অহাৰ অনুমতি দিয়া হ'ব ।
14 দিনৰ বাবে ন্যায়িক জিম্মালৈ শ্বেৰমান আলী
শ্বেৰমান আলি আহমেদক 14 দিনৰ বাবে ন্যায়িক জিম্মালৈ প্ৰেৰণ কৰিছে আদালতে ৷ জানিব পৰা মতে গীতানগৰ আৰক্ষীয়ে নিজৰ জিম্মাত বিচাৰিছিল শ্বেৰমান আলিক ৷ এই ক্ষেত্ৰত অনুমতি প্ৰদান নকৰিলে আদালতে ৷
তৈল উদ্যোগিক চহৰ দুলীয়াজান পৰিভ্ৰমণ বিধানসভাৰ সঁজাতি দলৰ
ৰাজ্যৰ তৈল উদ্যোগিক চহৰ দুলীয়াজান ভ্ৰমণ অসম বিধাসভাৰ সঁজাতি দলৰ ৷ বৃহস্পতিৰে দুলীয়াজানৰ অসম গেছ কোম্পানী(Assam Gas Company) আৰু দুলীয়াজান নুমলীগড় পাইপলাইন লিমিটেড(DNPL) পৰিদৰ্শন কৰে দলটোৱে ৷ অসম বিধানসভাৰ ৰাজহুৱা উদ্যোগ সমিতিৰ অধ্যক্ষ তথা পশ্চিম গুৱাহাটী সমষ্টি বিধায়ক ৰমেন্দ্ৰ নাৰায়ণ কলিতা(Ramendra Narayan Kalita)ৰ নেতৃত্বত ক্ষেত্ৰভিত্তিক অধ্যয়ন কৰে সঁজাতি দলটোৱে ৷
বৰহোলা আৰক্ষীৰ অভিযানত আইপিএল জুৱাৰী আটক
আৰক্ষী প্ৰশাসনৰ কঠোৰ স্থিতিৰ পাছতো তিতাবৰ মহকুমাত আইপিএলক কেন্দ্ৰ কৰি বৃহৎ জুৱা অব্যাহত আছে ৷ মহকুমাটোৰ গ্ৰামাঞ্চলত কিশোৰৰ পৰা বৃদ্ধলৈকে বহু লোক আসক্ত হৈছে এই আই পিএলৰ জুৱাত ৷ বুধবাৰে সন্ধিয়া বৰহোলা আৰক্ষীয়ে অতৰ্কিতে অভিযান চলাই দুটাকৈ আইপিএল জুৱাৰীক আটক কৰে ৷ বৰহোলাৰ ৰজাবাৰী চাৰিআলিৰ এখন দোকানৰ পৰা আৰক্ষীয়ে আইপিএলৰ জুৱাত জড়িত থকাৰ অভিযোগত লোক দুজনক আটক কৰে ৷ ধৃত লোক দুজন ক্ৰমে ক্ষিৰোদ সোণোৱাল আৰু মন্টু গড় বুলি জানিব পৰা গৈছে ৷ অভিযুক্ত জুৱাৰী দুটাৰ পৰা আৰক্ষীয়ে আইপিএল জুৱাত ব্যৱহৃত এটা ম'বাইল ফোন আৰু বুজন পৰিমাণৰ টকা জব্দ কৰিবলৈ সক্ষম হৈছে ৷
বিহুক অৱমাননা বিগ বজাৰৰ; মানে কে মাগে হিথেত বিহুৰ ফিউজন !
সাংস্কৃতিক তথা শৈক্ষিক ৰাজধানী যোৰহাটত অসমীয়াৰ গৌৰৱ তথা অসমৰ জাতীয় উৎসৱ বিহুক চৰম অপমান কৰিলে বহুৰ্জাতিক কোম্পানী বিগ বজাৰে ৷ সংস্কৃতি প্ৰদৰ্শনৰ নামত চূড়ান্ত ভণ্ডামি কৰিলে বহুজাতিক কোম্পানীটোৰ একাংশ কৰ্মীয়ে ৷ "মানিকি মাগে হিথে" নামৰ তামিল গীতত অসমীয়াৰ বাপতি সাহোন বিহুক ফিউজন কৰি, বিহুৰ সাজত নাচনীক নাচিবলৈ বাধ্য কৰালে কোম্পানীটোৰ কৰ্মীয়ে ৷ এফালে বিদেশীয়ে অসমৰ ভেটি কাঢ়ি নিছে আৰু আনফালে অসমৰ বাপতি সাহোন বিহুক বিকৃত কৰাত নামি পৰিছে স্বাভিমান নাইকীয়া একাংশ অসমীয়া নামধাৰী লোক ৷ যোৰহাট বিগ বজাৰত যি ঘটনা ঘটিল সেইয়া নিশ্চিত ভাৱে কোনো স্বাভিমানি অসমীয়াই সহ্য কৰিব নোৱাৰে ৷ ইফালে সাংবাদিকৰ আগত দায় সৰা মন্তব্য বিগবজাৰ কৰ্তৃপক্ষৰ ৷ ঘটনা সংক্ৰান্তত ইতিমধ্যে যোৰহাটৰ একাংশ সাংবাদিকে আৰক্ষী ওচৰত এজাহাৰ দাখিল কৰিছে ৷
মৃত কৃষকৰ পৰিয়ালক ২ কোটি টকা, চৰকাৰী চাকৰি প্ৰদানৰ দাবী অখিলেশ যাদৱৰ
উত্তৰ প্ৰদেশৰ লখিমপুৰ খেৰীৰ হিংসাত্মক ঘটনা(Lakhimpur Kheri violence)ত প্ৰাাণ হেৰুওৱা কৃষকৰ পৰিয়ালক সাক্ষাৎ কৰিলে সমাজবাদী পাৰ্টী(Samajwadi Party)ৰ সভাপতি তথা উত্তৰ প্ৰদেশৰ প্ৰাক্তন মুখ্যমন্ত্ৰী অখিলেশ যাদৱে(Akhilesh Yadav) । মৃত কৃষকৰ পৰিয়ালক ২ কোটি টকাৰ সাহায্য আৰু পৰিয়ালৰ সদস্যক চৰকাৰী চাকৰি প্ৰদানৰ দাবী জনায় সমাজবাদী পাৰ্টীৰ সভাপতিগৰাকীয়ে ।
স্বামী থাকে বাহিৰত; আনৰ সৈতে প্ৰেমত মচগুল পত্নী !
স্বামী বাহিৰত থকাৰ সুযোগতে দুই সন্তানৰ এগৰাকী মাতৃয়ে একেখন গাঁৱৰে এজন অবিবাহিত যুৱকৰ লগত চলাই গৈছিল এক প্ৰেমৰ সম্পৰ্ক ৷ সকলোৰে অগোচৰে প্ৰায় পাঁচটা বছৰে দুয়োৰে মাজত চলি আছিল এই প্ৰেমৰ সম্পৰ্ক ৷ পিছে দিন বেয়া আছিল দুয়োৰে ৷ মহিলা গৰাকীৰ দেওৰেকৰ পৰিকল্পনা মতে নিজৰ ঘৰতেই অবৈধ সম্পৰ্কত লিপ্ত থকাৰ অৱস্থাত হাতে লোটে ধৰা পৰিল এই দুই প্ৰেমিক-প্ৰেমিকা ৷
