মৰাণ, 30 আগষ্ট: নৱ নিৰ্মিত 52 নং বি ৰাষ্ট্ৰীয় ঘাইপথ নিৰ্মাণকাৰী সংস্থা গৌতম কনষ্ট্ৰাকছনৰ বিৰুদ্ধে শনিবাৰে অসম জাতীয়বাদী যুৱ ছাত্ৰ পৰিষদ(AJYCP) সাপেখাতী আঞ্চলিক সমিতিৰ অভিনৱ প্ৰতিবাদ ৷
বিগত সময়ত সাপেখাতী চহৰৰ মাজমজিয়াত উৰণীয়া সেঁতুৰ কাম আৰম্ভ কৰাৰ ফলত দুয়োকাষে পথচাৰীসকলৰ যাতায়াতৰ সুবিধাৰ্থে দুটাকৈ উপপথ নিৰ্মাণ কৰি দিয়া হয় ৷
কিন্তু দুয়োটা পথ বৰ্তমানেও পথচাৰীসকলৰ যাতায়াতৰ বাবে সূচল নোহোৱাত যমৰ যাতনা ভুগিছে পথচাৰীসকলে ৷ উক্ত উপপথ দুটা শীঘ্ৰে যাতায়াতৰ বাৱে সূচল কৰি তোলাৰ দাবীৰে যুৱ ছাত্ৰ পৰিষদৰ লগতে লগতে স্থানীয় ব্যৱসায়ীসকলে সাব্যস্ত কৰে প্ৰতিবাদ ৷
লগতে পঢ়ক: এটুপি বিশুদ্ধ খোৱা পানী য’ত এতিয়াও স্বপ্ন !
প্ৰতিবাদকাৰীসকলে বৰতাল বজোৱাৰ উপৰিও 52 নং বি ৰাষ্ট্ৰীয় ঘাইপথৰ ওপৰতে খেৱালি জাল মাৰি প্ৰতিবাদ সাব্যস্ত কৰে ৷ গৌতম কনষ্ট্ৰাকছনৰ লগতে জিলা প্ৰশাসনৰ বিৰুদ্ধে বিভিন্ন শ্ল’গান দি ৰাষ্ট্ৰীয় ঘাইপথ উত্তাল কৰি তোলে প্ৰতিবাদকাৰীসকলে ৷ অচিৰেই উপপথ দুটা সূচল নকৰিলে জংগী আন্দোলন গঢ়ি তোলাৰো হুংকাৰ প্ৰদান কৰে যুৱ ছাত্ৰ পৰিষদে ৷
লগতে পঢ়ক: কাম বিচাৰি ৰঙিয়ালৈ গৈ ক’ত হেৰাল দিপ্তী ?
