মৰাণ,৯ মাৰ্চ : ঘোষণা হ'ল অসমৰ পৌৰসভা নিৰ্বাচনৰ ফলাফল (Assam municipal election results 2022)। ইতিমধ্যে ৰাজ্যৰ প্ৰায়বোৰ পৌৰসভাই দখল কৰিছে বিজেপিয়ে । চৰাইদেউ জিলাৰ সোণাৰি আৰু মৰাণ পৌৰসভাও বিজেপিয়ে দখল কৰে (BJP wins both municipal board in Charaideo)। দুয়োখন পৌৰসভাৰ ২৭ টা ৱাৰ্ডৰ ২৫ টা ৱাৰ্ডতে বিজেপি জয়ী হয় ।
আনহাতে মাত্ৰ এটা ৱাৰ্ডত নিৰ্দলীয় আৰু আন এটা ৱাৰ্ডত কংগ্ৰেছৰ প্ৰাৰ্থী জয়ী হয় । সোণাৰিৰ ১৬ টা ৱাৰ্ডৰ ১৫ টাত বিজেপি মিত্ৰজোঁট জয়ী হয় । ১ নং ৱাৰ্ডত নিৰ্দলীয় প্ৰাৰ্থী জয়ী হয় ।
আনহাতে মৰাণ পৌৰসভাৰ ১১ টা ৱাৰ্ডৰ ১০ টাত বিজেপি মিত্ৰজোঁট আৰু ৮ নং ৱাৰ্ডটো কংগ্ৰেছৰ দখললৈ যায় । বিজেপি এনে সফলতাক লৈ এতিয়া নেতা-কৰ্মীসকলৰ মাজত ব্যাপক আনন্দ উল্লাহ দেখিবলৈ পোৱা গৈছে ।
বিৰোধীক ধৰাশায়ী কৰি চৰাইদেউত বিজেপিয়ে বিজয় উৎসৱ পালন কৰাও দেখা গ'ল । ইফালে বিজেপি মিত্ৰজোঁটৰ এনে ফলাফলক লৈ সন্তুষ্ট সাংসদ তপন কুমাৰ গগৈ । আগন্তুক দিনত চৰাইদেউ জিলাৰ দুয়োখন পৌৰসভাতে ব্যাপক উন্নয়নৰ প্ৰতিশ্ৰুতি দিয়ে সাংসদগৰাকীয়ে ।
লগতে পঢ়ক :Assam Municipal Election Results : শোণিতপুৰত বিজেপিৰ দখলত চাৰিখন পৌৰসভা
