তেজপুৰ, 27 মে’: দীৰ্ঘদিন ধৰি হৃদৰোগত আক্ৰান্ত হৈ থকাৰ পাচত সোমবাৰে ১২:৩০ বজাত চিকিৎসকে মৃত ঘোষণা কৰে তেজপুৰৰ প্ৰাক্তন কংগ্ৰেছী সাংসদ মণি কুমাৰ চুব্বাক ৷ দিল্লীৰ গুৰুগাঁৱৰ আৰটাৰী চিকিৎসালয়ত চিকিৎসাধীন হৈ আছিল প্ৰাক্তন সাংসদগৰাকী ৷ মৃত্যুৰ সময়ত তেখেতৰ বয়স আছিল ৬১ বছৰ ৷
১৯৫৮ চনৰ ১৬ মে'ত জন্ম গ্ৰহণ কৰা মণি কুমাৰ চুব্বাই 12, 13 আৰু 14 সংখ্যক সাধাৰণ নিৰ্বাচনত অৰ্থাৎ ১৯৯৮ চনৰ পৰা ২০০৯ চনলৈকে একেৰাহে ৩ বাৰকৈ কংগ্ৰেছ দলৰ পৰা প্ৰতিনিধিত্ব আগবঢ়াইছিল ৷ তেজপুৰৰ প্ৰাক্তন সাংসদ, নাওবৈচা সমষ্টিৰ প্ৰাক্তন বিধায়কৰ লগতে অসম গোৰ্খা সন্মিলনৰ সভাপতিও আছিল চুব্বা ৷
পৰিয়ালৰ লোকে প্ৰকাশ কৰা অনুসৰি মংগলবাৰে দিল্লীত শেষকৃত্য সম্পন্ন কৰা হ’ব প্ৰাক্তন সাংসদগৰাকীৰ ৷
