বিশ্বনাথ, ৩ মাৰ্চ: বিশ্বনাথত অব্যাহত আছে সুৰা বিৰোধী অভিযান । দেওবাৰে বিশ্বনাথ আৰক্ষীয়ে জব্দ কৰিবলৈ সক্ষম হয় বৃহৎ পৰিমাণৰ সুৰা ভৰ্তি ট্ৰাক । অৰুণাচলী সুৰা ভৰ্তি ট্ৰাকখনৰ সৈতে আটক কৰিবলৈ সক্ষম হয় তিনিজন ব্যক্তিক । বিশ্বনাথ আৰক্ষীয়ে এক গোপন সূত্ৰৰ ভিত্তিত বিশ্বনাথৰ বৰপুখুৰী অভিযান চলাই থকা সময়তে বৰপুখুৰী চাহ বাগিচানৰ সন্মুখত দুৰ্ঘটনাগ্ৰস্থ হয় প্ৰায় ২০ কাৰ্টুন সুৰা ভৰ্তি এখন ট্ৰাক । দুৰ্ঘটনাগ্ৰস্থ ট্ৰাকখনৰ পৰা সুৰা জব্দ কৰাৰ লগতে আটক কৰে ট্ৰাকখনৰ চালকসহ আন দুজন ব্যক্তি । আনহাতে, দুৰ্ঘটনাটোত আটকাধীন তিনিগৰাকী ব্যক্তি আঘাতপ্ৰাপ্ত হোৱাত বিশ্বনাথ চাৰিআলি মহকুমা অসামৰিক চিকিৎসালয়ত ভৰ্তি কৰাই আৰক্ষীয়ে ।
উল্লেখ্য যে, গোলাঘাট সুৰা ট্ৰেজেডী পাচৰ পৰা ৰাজ্যত অব্যাহত আছে সুৰা ঘাটি উৎখাত অভিযান । ৰাজ্যৰ বিভিন্ন প্ৰান্তত আৰক্ষীয়ে আৰম্ভ কৰা এই অভিযানত অনাগত সময়ত অবৈধ সুৰাৰ ৰমৰমীয়া ব্যৱসায়ত কিমানদূৰ প্ৰভাৱ পৰিব সেইয়া লক্ষণীয় হ'ব ।
