কাছাৰ,23 ছেপ্টেম্বৰঃ সোমবাৰে কাছাৰ জিলাৰ উধাৰবন্ধত পিষ্টলসহ আটক হয় এজন যুৱক ৷ যুৱকজনৰ নাম আজিৰ উদ্দিন বৰভূঞা ৷ যুৱকজনৰ ঘৰ উধাৰবন্ধ দূৰ্গা নগৰত ৷ জানিব পৰা মতে গোপন সূত্ৰৰ পম খেদি অসম ৰাইফলছৰ জোৱান সকলে উধাৰবন্ধ ভি আই পি পথত AS-11E-0557 নম্বৰৰ এখন মেজিক গাড়ীত তালাচী চলাই এটা পইন্ট 2 MM পিষ্টল সহ ২৪টা গুলী উদ্ধাৰ কৰে ৷ লগতে গাড়ী চালক আজিৰ উদ্দিনক আটক কৰে অসম ৰাইফলছৰ জোৱান সকলে ৷ পিচত উদ্ধাৰ হোৱা আগ্নেয়াস্ত্ৰসহ ধৃত যুৱক জনক উধাৰবন্ধ আৰক্ষীৰ হাতত গতাই দিয়ে জোৱানসকলে ৷ ধৃত যুৱকজনক আৰক্ষীয়ে জেৰা অব্যাহত ৰাখিছে ৷
