শিলচৰ, 24 ছেপ্তেম্বৰ: শিলচৰত ৫ লাখ ৫০ হাজাৰ টকাৰ জাল নোট সহ দুই যুবকক আটক ৷ গোপন সূত্ৰৰ তথ্যৰ ভিত্তিত বৃহস্পতিবাৰে দুপৰীয়া শিলচৰ নাগাটিল্লাত জালনোট সহ দুই যুৱকক আটক কৰে কাছাৰ আৰক্ষীয়ে ৷ যুৱক দুজনৰ পৰা 5 লাখ 50 হাজাৰ টকাৰ জাল নোট জব্দ কৰাৰ লগতে দুটা মোবাইল ফোন জব্দ কৰিছে আৰক্ষীয়ে ৷
জানিব পৰা মতে, জব্দ হোৱা জাল নোটসমূহৰ আটাইবোৰ 500 টকীয়া ৷ ইফালে ধৃত দুই যুবকক জেৰা অব্যাহত ৰাখিছে আৰক্ষীয়ে ৷ আটকাধীন যুৱক দুজন জিৰিঘাটৰ সাৰিমূল হক আৰু মাছিমপুৰৰ ইকবাল হোছেইন বুলি জানিব দিলে আৰক্ষীয়ে ৷
লগতে পঢ়কঃ উপ-পৰিদৰ্শক বাছনি কাণ্ডঃ নলবাৰী আৰক্ষীৰ জালত কুলদ্বীপ ৰাজবংশী
