ডিমা হাছাও, 29 মে’: কাছাৰ জিলাত 26 গৰাকী ম্যানমাৰৰ নাগৰিকক আটক ৷ শনিবাৰে নিশা শিলচৰৰ পৰা এই লোকসকলক আটক কৰে কাছাৰ আৰক্ষী(Rohingya people detained in Silchar) য়ে ৷
জানিব পৰা মতে, গোপন সূত্ৰৰ তথ্যৰ ভিত্তিত শনিবাৰে নিশা শিলচৰৰ চেণ্ট্ৰেল ৰোডত তিনিখন ইন’ভা গাড়ীৰ পৰা 26 গৰাকীকৈ ম্যানমাৰৰ নাগৰিক অথবা ৰোহিংগীয়াসকলক আটক কৰে কাছাৰ আৰক্ষীয়ে ৷ এই সন্দৰ্ভত আৰক্ষীয়ে জানিবলৈ দিয়া মতে, এই 26 গৰাকী নাগৰিকৰ মাজত আছে 8 গৰাকী মহিলা, 6 গৰাকী পুৰুষ আৰু 12 টিকৈ শিশু ৷
তেওঁলোকে দীৰ্ঘদিনে কাশ্মীৰত বাস কৰাৰ পিছত শনিবাৰে উপস্থিত হৈছিল কাছাৰত ৷ দলটোৱে সদৰি কৰা অনুসৰি, এজন মধ্যভোগীৰ তৎপৰতাত তেওঁলোকে কাশ্মীৰৰ পৰা প্ৰথমতে ৰাজধানী দিল্লী আৰু তাৰপিছতে দিল্লীৰ পৰা ৰে’লযোগে আহে কামাখ্যা ষ্টেচনলৈ ৷
কিন্তু বিগত সময়ত হোৱা বান, ভূমিস্খলনৰ পিছত ৰে’লৰ চলাচল বন্ধ হৈ থকাৰ পৰিপ্ৰেক্ষিতত দলটোৱে গুৱাহাটীৰ পৰা তিনিখন ইন’ভা বাহন ভাৰা কৰি শিলচৰলৈ আহিছিল ৷ সম্প্ৰতি আৰক্ষীয়ে দলটোক শিলচৰ থানাত ৰাখি জেৰা অব্যাহত(Twenty six rohingya people detained by Cachar police) ৰাখিছে ৷ জিলা আৰক্ষী অধীক্ষক ৰমনদ্বীপ কৌৰে এই সন্দৰ্ভত সদৰি কৰিছে কেতবোৰ তথ্য ৷
লগতে চাওক: অসমত সোমাইছে বহু ৰোহিংগীয়া মুছলমান : শিৱনাথ শৰ্মা
