9 বজাৰ শীৰ্ষ দহটা বাতৰি

9 বজাৰ শীৰ্ষ দহটা বাতৰি

বৰাক সন্দৰ্ভত ড৹ নগেন শইকীয়াই কৰা মন্তব্যৰ কঠোৰ সমালোচনা আলফা স্বাধীনৰ সভাপতি পৰেশ বৰুৱাৰ । ড৹ শইকীয়াই অসমবাসীৰ ওচৰত ক্ষমা খুজিব লাগে । বৰাকত অসমীয়া ভাষা চলিবই ৷ বাংলা ভাষা সহযোগী ভাষাহে ৷

চলিত টী 20 বিশ্বকাপৰ চুপাৰ 12 ৰ গ্ৰুপ প্ৰথমখন মেচত শনিবাৰে ৱেষ্ট ইণ্ডিজক 6 উইকেট পৰাস্ত কৰে ইংলেণ্ডে ৷ ৱেষ্ট ইণ্ডিজে আটাইকেইটা উইকেট হেৰুৱাই 55 ৰাণ সংগ্ৰহ কৰে ৷

50 অভাৰৰ বিশ্বকাপৰ দৰে টী 20 বিশ্বকাপতো আজিপৰ্যন্ত পাকিস্তানৰ বিৰুদ্ধে অজেয় হৈ আছে ভাৰত ৷ টী 20 বিশ্বকাপত ইয়াৰ পূৰ্বেও পাঁচবাৰ দুয়োটা দল মুখামুখি হৈছে, য’ত ভাৰতে প্ৰতিখন মেচতে জয় লাভ কৰি আহিছে ৷

১৯৪৭ চনৰ ২২ অক্টোবৰত পাকিস্তানৰ জনজাতীয় আক্ৰমণকাৰীসকলে লক্ষ্য কৰি লৈছিল কাশ্মীৰক ৷ সেই সময়ত আক্ৰমণকাৰীসকলক কৌশলেৰে প্ৰতিৰোধ কৰিছিল কাশ্মীৰৰ 22 বছৰীয়া চফল ডেকা মকবুল শ্বেৰৱানীয়ে ৷ জানো আহক মকবুল শ্বেৰৱানীৰ ত্যাগ আৰু সাহসৰ অমৰ কাহিনী ৷

শনিবাৰে CJM আদালতত হাজিৰ কৰা হয় বৰাগাঁও হত্যাকাণ্ডৰ মূল অভিযুক্ত দেৱযানী দাসক । ইয়াৰ পাচতে দেৱযানী দাসক তিনি দিনৰ বাবে আৰক্ষীৰ জিম্মালৈ প্ৰেৰণ কৰে আদালতে ৷ আৰক্ষীৰ সূত্ৰই সদৰী কৰা মতে, দেৱযানী দাস আৰু অন্তিমা গুপ্তাৰ মাজত কিবা কথাক লৈ কাজিয়াৰ সূত্ৰপাত হৈ মাৰপিট হয় । দেৱযানী দাসে লোৰৰ এডাল লাঠিৰে অন্তিমা গুপ্তাক মূৰত প্ৰহাৰ কৰাত গুৰুতৰভাৱে আঘাটপ্ৰাপ্ত হৈ পৰৱৰ্তী সময়ত মৃত্যুক আঁকোৱালী লয় অন্তিমা গুপ্তাই ৷

ভবানীপুৰ সমষ্টিত বিজেপি প্ৰাৰ্থী ফনীধৰ তালুকদাৰ হৈ নিৰ্বাচনীয় প্ৰচাৰ চলাই মন্ত্ৰী চন্দ্ৰমোহন পাটোৱাৰীয়ে । মন্ত্ৰী পাটোৱাৰীয়ে ৰাজ্য চৰকাৰৰ উন্নয়নৰ ঢাক ঢোল কোবাই ৰাজ্যৰ উপ নিৰ্বাচনত পাঁচটা সমষ্টিতে বিজেপি প্ৰাৰ্থী বিজয়ী হ’ব বুলি দাবী কৰে ৷ তেওঁ এ আই ইউ ডি এফৰ প্ৰধান বদৰুদ্দিন আজমলে, কংগ্ৰেছ দলক ক্ষুৰধাৰ সমালোচনা কৰে ।

বাংলাদেশত হিন্দুলোকৰ ওপৰত চলোৱা আক্ৰমণৰ প্ৰতিবাদ জনাই শনিবাৰে বজৰং দলে কৰিমগঞ্জৰ বাংলাদেশ সীমান্তলৈ গৈ উত্তাল প্ৰতিবাদ সাব্যস্ত কৰে ৷ বজৰং দলৰ সদস্যসকলে কৰিমগঞ্জ জিলাত এক প্ৰতিবাদী সমদল বাহিৰ কৰি কুশিয়াৰা নদীৰ ভাৰত বাংলাদেশ সীমান্তৰ কাষত উপস্থিত হয় । তেওঁলোকে সেইস্থানৰ পৰা মাইকযোগে বাংলাদেশক ভাৰতে পানী, ৰপ্তানী বন্ধ কৰি দিলে নাখাই মৰিব বুলি সকীয়াই দিয়ে ।

জোনাই মহকুমাৰ ঐতিহ্যমণ্ডিত ৰাজাখানা পুখুৰী পৰিদৰ্শন কৰিবলৈ শনিবাৰে উপস্থিত হ’ল সদৌ অসম ছাত্ৰ সন্থাৰ উপদেষ্টা উদ্দীপ জ্যোতি গগৈ, মুখ্য সাংগঠনিক সম্পাদক অভিবৰ্তন গোস্বামী সহ এটা বৃহৎ সজাতি দল ৷ জোনাইৰ ঐতিহ্যমণ্ডিত ৰজাখানা পুখুৰীক সংৰক্ষণ তথা পুনৰ নিৰ্মাণ কৰি পৰ্যটনস্থলী হিচাপে গঢ়ি তুলিবলৈ নতুন চৰকাৰৰ পৰ্যটন আৰু পুৰাতত্ত্ব বিভাগৰ ওচৰত দাবী জনাই সদৌ অসম ছাত্ৰ সন্থাই ৷

ভাৰতীয় বায়ুসেনাৰ ইষ্টাৰ্ণ কামাণ্ডৰ এয়াৰ অফিচাৰ ইন কামণ্ডিং ডি কে পাটনায়কে শনিবাৰে অৰুণাচল প্ৰদেশৰ পাছিঘাটৰ এডভান্স লেংডিং গ্ৰাউণ্ড পৰিদৰ্শন কৰে । ইয়াৰ পাচতে অৰুণাচল প্ৰদেশৰ পাছিঘাটৰ বায়ুসেনাৰ এডভান্স লেণ্ডিঙৰ লগত জড়িত বায়ুসেনাৰ বিষয়া সকলৰ লগত এক আলোচনাত মিলিত হয় ৷

বিজেপি নেতৃত্বাধীন চৰকাৰৰ দিনত ৰাজ্যৰ ৰাজহুৱা খণ্ডসমূহলৈ নামি আহিছে বিপদঘন্টা । ৰাজ্যৰ এটাৰ পিছত আন এটা ৰাজহুৱা খণ্ডৰ উদ্যোগ ব্যক্তিগতকৰণ কৰিব বিচৰা কাৰ্যই ব্যাপক চৰ্চা লাভ কৰিছে । শেহতীয়াকৈ ব্যক্তিগতকৰণৰ দিশে আগবাঢ়িছে গুৱাহাটীৰ বামুণীমৈদামস্থিত উত্তৰ পূৱৰ একমাত্ৰ আয়ুৰ্বেদিক প্ৰতিষ্ঠান অসম আয়ুৰ্বেদিক প্ৰডাক্টচক ।