শিলচৰ, 12 এপ্ৰিলঃ কংগ্ৰেছ এৰি বিজেপিত যোগদান কাছাৰ জিলা কংগ্ৰেছৰ সাধাৰণ সম্পাদক চিৰাজুল আলম লস্কৰৰ ৷ শুকুৰবাৰে শিলচৰৰ বিজেপি কাৰ্যালয়ত আনুষ্ঠানিকভাৱে বিজেপিত যোগদান কৰে চিৰাজুল আলম লস্কৰে ৷
কংগ্ৰেছ এৰি বিজেপিলৈ গমন চিৰাজুল আলম লস্কৰৰ
আলমৰ বিজেপিত যোগদান কাৰ্যসূচীত উপস্থিত থাকে প্ৰদেশ বিজেপিৰ সভাপতি ৰঞ্জিত দাস,জিলা বিজেপিৰ সভাপতি কৌশিক ৰায়কে ধৰি বিজেপিৰ বহুজন নেতা-সদস্য ৷ কংগ্ৰেছ দলত সংখ্যালঘুৰ কোনোধৰণৰ স্বাৰ্থ সফল নোহোৱাৰ বাবে বিজেপিত যোগদান কৰা বুলি সাংবাদিকৰ আগত প্ৰকাশ কৰে চিৰাজুল আলমে ৷ আনহাতে মোডীৰ কামৰ দ্বাৰা অনুপ্ৰাণিত হোৱা বুলিও প্ৰকাশ কৰে বিজেপিত নতুনকৈ যোগদান কৰা আলমে ৷
