শিলচৰ, 29 আগষ্টঃ বৰাক উপত্যকাৰ জনস্বাস্থ্য কাৰিকৰী বিভাগৰ অস্থায়ী শ্ৰমিক কৰ্মচাৰী পৰিষদৰ কেইবা শতাধিক শ্ৰমিক কৰ্মচাৰীয়ে বৃহস্পতিবাৰে শিলচৰৰ বিভাগীয় কাৰ্যালয়ত কেইবাটাও দাবীৰ সমৰ্থনত ধৰ্ণা কাৰ্যসূচী পালন কৰে । বৰাক উপত্যকাৰ জনস্বাস্থ্য কাৰিকৰী বিভাগৰ অস্থায়ী শ্ৰমিক কৰ্মচাৰী পৰিষদৰ কেইবা শতাধিক শ্ৰমিক কৰ্মচাৰী আজি শিলচৰৰ বিভাগীয় কাৰ্যালয়ত কেইবাটাও দাবীৰ সমৰ্থনত ধৰ্ণা কাৰ্যসূচী পালন কৰে । পৰিষদে কয় উপত্যকাৰ গাঁৱে-ভূৱে পানীয় জল প্ৰকল্প বছৰৰ পিছত বছৰ ধৰি সচল ৰাখি লক্ষ লক্ষ লোকক পানী সৰবৰাহ কৰি আহিছে যদিও শ্ৰমিকসকলৰ পাৰিতোষিক যোৱা 62 মাহে ধৰি আদায় দিয়া নাই চৰকাৰে ।
আনহাতে পূৰ্বে প্ৰতিশ্ৰুতি দিয়াৰ পিছতো চাকৰি স্থায়ী কৰা নাই হোৱা নাই শ্ৰমিকসকলৰ । শ্ৰমিকসকলে পিছত তেওঁলোকৰ চাকৰি স্থায়ীকৰণ, নিয়মীয়াকৈ বেতন প্ৰদান, আন সুবিধা প্ৰদান, জলপ্ৰকল্প সমূহ সদায় সচল ৰখাৰ ব্যৱস্থা গ্ৰহণ ইত্যাদি বিষয় সম্পৰ্কে সংবাদ মাধ্যমক অৱগত কৰে ৷
