কাছাৰ,১৫আগষ্টঃ শনিবাৰে পুৱা কাছাৰৰ ডলু নৈত গা ধুবলৈ গৈ নিখোজ হয় ৰাজেশ ভাউৰী নামৰ এজন যুৱক ৷ জানিব পৰা মতে, পুৱা ৮ বজাত নিজা বাসগৃহৰ কাষতে থকা ডলু নদীত গা ধুবলৈ গৈছিল যুৱকজন ৷ কিন্তু বহু সময় লৈকে নৈৰ পৰা ওভতি নহাত যুৱকজনক বিচাৰি হুৱা-দুৱা লাগে পৰিয়ালৰ মাজত ৷
ইপিনে এই ঘটনা সন্দৰ্ভত পৰিয়ালৰ লোকৰ লগতে স্থানীয় ৰাইজে নদী আৰক্ষীক খবৰ দিয়ে ৷ ঘটনাস্থলীত নদী আৰক্ষী উপস্থিত হৈ যুৱক জনৰ সন্ধানত তীব্ৰ অভিযান চলায় যদিও বৰ্তমানলৈকে যুৱক জনৰ কোনো সন্ধান লাভ কৰিবলৈ সক্ষম হোৱা নাই নদী আৰক্ষীয়ে ৷ উক্ত ঘটনাটোক কেন্দ্ৰ কৰি তীব্ৰ চাঞ্চল্যৰ সৃষ্টি হৈছে সমগ্ৰ অঞ্চলটোত ৷
লগতে পঢ়ক- কাজিৰঙা ৰাষ্ট্ৰীয় উদ্যানৰ সমীপত উদ্ধাৰ গঁড়ৰ পোৱালি
