পুনৰ কংগ্ৰেছত যোগদানৰ ইচ্ছা হিমন্ত বিশ্ব শৰ্মাৰ !

শিলচৰৰ নিৰ্বাচনী সভাত অংশ গ্ৰহণ কৰি প্ৰাক্তন মন্ত্ৰী ৰকিবুল হুচেইনে মন্তব্য কৰে যে পূৰ্বে বিজেপিৰ ভাল দিন দেখি বিজেপিত যোগদান কৰিছিল মন্ত্ৰী হিমন্ত বিশ্ব শৰ্মাই ৷ বৰ্তমান কংগ্ৰেছৰ দিন ভাল দেখি কংগ্ৰেছত পুনৰ যোগদানৰ বাবে দিল্লীত কংগ্ৰেছী নেতা সকলক লগ কৰিছিল হিমন্ত বিশ্ব শৰ্মাই ৷ এই আলোচনাৰ সম্ভেদ পাই বিজেপিয়ে হিমন্ত বিশ্ব শৰ্মাক লোকসভা নিৰ্বাচনৰ প্ৰাৰ্থীত্ব নিদিলে বুলি মন্তব্য কৰে বিজেপি নেতাগৰাকীয়ে ৷

শিলচৰ , 12 এপ্ৰিল : বিজেপিৰ টিকট নাপাই মানসিক ভাৰসাম্য হেৰুৱাই নৃত্য কৰিছে হিমন্ত বিশ্ব শৰ্মাই ৷ শিলচৰৰ শ্ৰীকন্দুকণাত কংগ্ৰেছ প্ৰাৰ্থী সুস্মিতা দেৱৰ হৈ নিৰ্বাচনী প্ৰচাৰ চলাই এই মন্তব্য কৰে প্ৰাক্তন মন্ত্ৰী ৰকিবুল হুচেইনে ৷

কংগ্ৰেছ নেতা ৰকিবুল হুচেইনে বিজেপিক আলফাৰ লগত তুলনা কৰি কয় যে , আলফাই বন্দুক দেখুৱাই পইচা লুটিছিল কিন্তু বিজেপি চৰকাৰখনে বন্দুক নেদেখোৱাকৈয়ে পইচা লুটিছে ৷ এন পি পি ক এটা ভোট দিয়া মানে বিজেপিক দুটা ভোট দিয়া বুলি মন্তব্য কৰি প্ৰাক্তন মন্ত্ৰীগৰাকীয়ে এন পি পি দলক ভোটদান নকৰিবলৈ আহ্বান জনায় ৷